Zimbabwe inoti kunyange hazvo kupararira kwe HIV/Aids munyika kwadzikira mudzimwe nzvimbo, mune dzimwe nzvimbo dzakaita se Matebeleland South, nyaya dzehutachiona dzichiri kuwanda.
Izvi zvakaburitswa nezuro ne National Aids Council, NAC, mugwaro rayo riri kutaura pamusoro pemamiriro akaita nyaya dzehutachiwona munyika.
NAC inotizve Zimbabwe yava nevana nherera vanosvika miriyoni zvichitevera kushaya kwevabereki vavo kuburikidza ne HIV/Aids. Muzvare Madeline Dube ndivo mutauriri we NAC. Muzvare Dube vati pachine basa guru rinoda kuitwa munyika kuti hutachiwona hurambe huchidzika.
