Hurumende Yozadza Mapurisa muMigwagwa Achityira Kuratidzira kweTajamuka

Mapurisa ange akapakatira zvombo nehutsi hunokatyidza afumo bata jongwe muromo munzvimbo dzakawanda munyika achida kudzivirira kuratidzira kwange kwakarongwa nesangano reTajamuka.

Sangano reTajamuka rinoti harisi kufara nemamiriro ezvinhu munyika zvikuru munyaya dzezvehupfumi nematongerwo enyika.

Asi kurudziro yekuratidzira iyi haina kutambirwa nevanhu sezvo vaenda kumabasa uye mabhizimisi nemakambani anga akavhurwa.

Gurukota rinnona rezvekudzivirirwa kwenyika VaCain Mathema vange vayambira kare kuti mapurisa aizoendeswa mumigwagwa kunochengetedza runyararo.

Mumashoko kuvatori venhau, VaMathema vayambirawo kuti vanhu vasatumire mashoko ekukurudzira kuratidzira pamadandemutande akaita seWhatsApp.

VaMathema vati mutemo wenyika unobvumidza vanhu kuratidzira asi zvichifanira kuitwa zviri mubumbiro remutemo.

Asi vachitaura neStudio 7, mukuru weTajamuka VaPromise Mkwananzi vati hurongwa hwavo hwabudirira kunyangwe vapomera mapurisa neZanu-PF mhosva yekuvavhiringidza.

Embed share

Hurukuro naVaPromise Mkwananzi

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:08 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player

Hatina kukwanisa kubata mutauriri weZanu-PF VaSimon Khaya Moyo kana mutauriri wemapurisa Assistant Commissioner Paul Nyathi avo vanzi vange vari mumusangano.

Asi wemutevedzeri wegurukota rezvekuburitswa kwemashoko VaEnergy Mutodi vaudza Studio 7 kuti kuratidzira uku kwakundikana nekuti vanhu havachadi kufurirwa.

Embed share

Hurukuro naVaEnergy Mutodi

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:17 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player