Accessibility links

Breaking News

Dynamos Inoti Yagadzirira Zvakasimba Mwaka Uno


Chikwata chine mukurumbira cheDynamos chakatanga gadziriro yacho yemwaka uno mukupera kwesvondo mushure mekunge vatambi vacho vabayiwa nhomba yeCovid-19 uye kuongororwa hutachiona hwacho.

Chikwata ichi chakatanga gadziriro yacho chiine vatambi vatsva nevamwe vagara variko chine chinangwa chekutora mikombe iyo yangove nhoroondo mumusha mavo.

Murairidzi wavo Tonderai Ndiraya anoti vatambi vatsva vane mukurumbira vanosanganisira David Temwanjira, Tymon Mvula, Silvester Appiah, Byron Madzokere,Tinashe Makanda, Kudzanai Dhemera, King Nadolo, na Newman Sianchali, vakabatana nevamwe vakaita saPartson Jaure, Simba Chinani, Emmanuel Jalai, Tinotenda Muringai, Munyaradzi Mawadza, naGodknows Murwira avo vaivepo kare.

Ndiraya anoti nevatambi ava arikutarisira kukohwa pakuru mwaka uno kutanga nemukombe weIndependence Trophy uyo Dynamos iri kusangana neHighlanders neSvondo.

Munyori mukuru weDembare VaWebster Marechera vanoti varipo kupa Ndiraya rubatsiro kana paine maburi aanoda kuvhara muchikwata chake.

Vateveri vechikwata ichi kusanganisira VaBatai Kwayedza vari kuchema nemamiriro aive akaita chikwata chavo pakapedzisira mitambo icho vanoti chirikuda kugadziriswa zvakasimba.

Mumakundano emukombe wePremier Soccer League, Dembare iri mugungano richatambira muHarare rine zvikwata zvinotui Caps United, Harare City, Herentals, Yadah, pamwe neZPC Kariba.

Mitambo iyi irikutanga musi wa 8 Chivabvu muHarare, Bulawayo, Mutare pamwe neZvishavane.

Nyaya Ina Michael Kariati
please wait

No media source currently available

0:00 0:02:57 0:00
Pekupinda Napo Kuti Muone Zvamuri Kuda


Facebook Forum

XS
SM
MD
LG