Chikwata cheZimbabwe chekiriketi chakunda chikwata chekuIndia nemawiketsi manomwe pamutambo watambirwa kunhandare ye Harare Sports Club neChina masikati.
Vatambi, Brendan Taylor naHamilton Masakadza, ndivo vakwanisa kutamba zvinoniswa mvura mumutambo uyu apo Zimbabwe yakwanisa kuita 197 runs, India ikaitawo 194 runs.
Vanoona nezvekuburitswa kwemashoko musangano reZimbabwe Cricket, VaJeffrey Murimbechi, vanoti hunyanzvi hwemutambi Tatenda Taibu, uyo atamba pamutambo uyu, hwabatsira kuti chikwata cheZimbabwe chikunde.
Zimbabwe yakakundwa neSri Lanka mumutambo wakatambwa kuBulawayo neChipiri.
Zimbabwe, India neSri Lanka dziri mumakwikwi enyika nhatu.
