Chikwata cheZimbabwe Cricket, icho chiri mu West Indies pari zvino mugadziriro yemakwikwi e World Twenty20 Championship, chakakunda chikwata che Australia ne one run nezuro apo chakanwisa ma runs 173.
Vatambi Elton Chigumbura na Craig Ervine vakakwanisa kutamba zvinonwisa mvura pamutambo uyu izvo zvakabatsira kuti Zimbabwe ikunde.
Vanoona nezvekuburitswa kwemashoko musangano reZimbabwe Cricket, va Jeffrey Murimbechi, vanoti kukunda kweZimbabwe uku kuchabatsira chikwata ichi kuti chipinde mumakwikwi aya chakasimba.
Zimbabwe irikutarisirwa kutamba ne Pakistan mune mumwe mutambo wekuyedzana simba isati yatanga mitambo yeTwenty20 neSvondo.
