Mutambi aimbo tambira chikwata chemaWarriors, Onismor Bhasera, anonzi arambidzwa nechikwata chake che Plymouth Argyle cheku United Kingdon kuti atengwe ne chikwata che Crystal Palace, icho chiri kumuda.
Bhasera akatanga kutambira Plymouth muna Kurume gore rino, asi chikwata ichi chakabva chadzika pasi kuenda kupinda muDivision three chebhora remunyika iyi.
Bhasera akambonekekana nechibvumirano chake nePlymouth apo chikwata chaimbo tambira cheKaiser Chiefs chemuSouth Africa chakaramba kuti aive free-agent anogona kutambira chikwata chaanoda.
Mumwe mutambi wenhabvu, Alois Bunjira, anoti kunyangwe zvazvo zvichirwadza kune mutambi Onismor Bhasera kuti hasikubvumidzwa kusiya chikwata ichi, rombo rake rakanaka sezvo chikwata chake chinevimbo yekuti achachibatsira kudzokera muPremiership muchinguva chinotevera.
