Mutungamiri wechikwata cheGunners, vaCuthbert Chitima, vanoti vari kufadzwa nekutamba kwakaita chikwata chavo mumutambo wekutanga we Confederations Of African Football - Champions League, umo vakakunda chikwata cheMafunzo Stars chekuZanzibar neSvondo.
Vachitima vanoti vatsigiri vavo vanofanirwa kutarisira mune zvakanaka apo chikwata chavo chichatamba kuRufaro Stadium masvondo maviri anotevera nechikwata ichi.
Gunners ne Dynamos ndizvo zvikwata zviviri zvakamirira nyika mumakwikwi e Champions League gore rino zvichitevera kukunda kwakaita zvikwata izvi mumitambo yePremier Soccer League yegore rapera.
