Vatsigiri vechikwata cheDynamos vanoti havasi kufadzwa nekubuda kwakaita chikwata chavo mumakwikwi e Confederation Africa Football Champions League nezuro zvichitevera kukundwa kwakaitwa chikwata ichi 2-1 ne TP Mazembe yeku DRC Congo.
Mutambo uyu wakatambirwa muguta reLubumbashi.
Dynamos ichine mumwe mutambo wekupedzisira nechikwata che Entente Setif cheku Algeria, kunyange hazvo mutambo uyu usingasandure pamire Dynamos.
Dynamos yakapinda mumakwikwi aya iyene vatambi vanomwe vanehunyazvi vakanga vasipo sezvo vakange vapihwa mayellow nema red cards mumitambo yapfuura.
Mutambi we Dynamos Thabani Kamusoko ndiye akanwisa chibodzwa cheDynmos maminitsi matanhatu mutambo uyu usati wapera.
Mutsigiri we Dynamos, va Fabian Mahembe, varikukurudzira vatungamiri vechikwata ichi kuti vagare pasi vagadzirise zvinhu kuitira kuti chikwata chavo chiwane mukana wekutora mukombe we Premiership wegore rino.