Accessibility links

Breaking News

Captain WeZimbabwe Cricket Prosper Utseya Osiya Basa


Aimbove mutungamiri wevatambi ve Zimbabwe Cricket, prosper utseya, anoti acharamba achitambira chikwata ichi ari pasi pakeputeni mutsva, Elton Chigumbura, uyo akagadzwa neChipiri apo utseya akasiya basa.

Utseya anoti haana kumanikidzwa kusiya basa raakatora kubva mugore ra 2006.

Anoti ane chivimbo chekuti chigumbura achakwanisa kubatsira chikwata chake kuti chitambe zvinonwisa mvura.

Vaimbove murairidzi vechikwata chekiriketi muEngland, va Duncan Fletcher, vari munyika umo vacharairidza vatambi vechidiki kuti vatambe zvine hunyanzvi.

Director veHigh Performance Centre, vaKevin Curran, vanoti vari kufadzwa nekuuya kwava Fletcher kuzodzidzisa vechidiki mutambo we cricket. Vanoona nezvekuburitswa kwemashoko musangano reZimbabwe Cricket, va Jeffrey Murimbechi, vanoti chirongwa ichi chichabatsira kusimbaradza mutambo uyu munyika.

XS
SM
MD
LG