Accessibility links

Breaking News

Zviri Kuitika muAmerica

VaTrump Voraswa neMamwe Maseneta eBato Ravo

VaDonald Trump nemutevedzeri wavo, VaMike Pence

Zvinhu hazvina kumirira zvakanaka kumutungamiri weAmerica, VaDonald Trump, zvichitevera mashoko nezviri kuitwa nevanhu vebato ravo, reRepublican Party, muparamende yeAmerica.

Bepanhau reNew York Times rinoti mutungamiri wenhengo dzedare reSenate, dze Republican Party, VaMitch Mcconnell, vaudza bepanhau iri kuti VaTrump vakapara mhosva dzinofanirwa kutongwa.

Svondo rapera, vatsigiri vaVaTrump vakapinda zvechisimba mudare reCongress yeAmerica vakapwanya misuwo, mahwindo, matafura nemacheya vachitsvaka mutevedzeri waVaTrump, VaMike Pence, pamwe chete nenhengo dzeparamende idzo dzakazvivharira mune dzimwe dzimba dzikavanda pasi pamatafura.

Vamamwe vatsigiri vaVaTrump vanoti zvinotaurwa nemukuru wavo zvekuti sarudzo dzakabirwa ndezvechokwadi.

Imwe nhengo yedare reSenate, Amai Liz Cheney, vakati nhasi Chitatu, vachavhota kuti VaTrump vatongwe neparamende pamusoro pemhosva dzavanonzi vakapara mukukurudzira vatsigiri vavo kuti vakonzere mhirizhonga paCapital Hill nemusi weChitatu pakafa vanhu vashanu.

VaTrump vari kuramba vachiti vakabirwa musarudzo yemutungamiri wenyika kunyange hazvo matare edzimhosva makumi matanhatu akarasa zvichemo zvaVaTrump achiti hapana humbowo hunoratidza kuti sarudzo yakabirwa.

Nyanzvi mune zvematongerwo enyika vari mugari wemu Washington D.C. Doctor Frenk Guni, vanoti zvinhu hazvina kumira zvakanaka mubato raVaTrump sezvo makambani mazhinji abuda pachena achiti haachapi mari kunhengo dzebato iri dzakakwikwidza kuti VaJoe Biden vakasarudzwa nevanhu pasina kubirirwa kwakaitwa.

Makambani eSocial Media mazhinji, anosanganisa Twitter, Facebook, Instagram, Google nemamwe akavhara kuti VaTrump vasashandisa madandemutande awo.

Doctor Guni vanoti mapurisa ari kushanda zvine simba kuitira kuti pakugadzwa nemusi weChitatu kwaVa Biden, pasave nebongozozo serakaonekwa svondo rapera.

please wait
Embed

No media source currently available

0:00 0:05:12 0:00
Pekupinda Napo Kuti Muone Zvamuri Kuda

See all News Updates of the Day

VaJoe Biden Vokurudzira Kubatana Muzuva Ravo reKutanga Kutungamira America

VaJoe Biden

Vakasarudzwa kuva mutungamiri wenyika yeAmerica VaJoe Biden vakatora mhiko yekutungamira nyika nemusi weChitatu muWashington DC pachiitiko change chakatariswa nevakawanda pasi rose

Asi vasati vatora mhiko, mutevedzeri wavo Amai Kamala Harris vapindawo munhoroondo semutevedzeri wemutungamiri wenyika wechidzimai wekutanga uye vari mutema vane mumwe mubereki wekuAsia.

Mukuru weWomen's Academy for Leadership and Political Excellence Muzvare Stabile Dewa vanoti kusarudzwa kwaAmai Harris kunopa tariro nechivimbo kumadzimai ose epasi rino anoda kupinda munyaya dzezvematongerwo enyika.

Mushure mekutora mhiko, VaBiden vakabva vatura mashoko kunyika vachikurudzira kubatana.

VaBiden vashora vanhu vakaita mhirizhonga padare guru renyika reCapitol Hill vachitsigiri vaive mutungamiri wenyika aDonald Trump avo vairmba kutambira zvakabuda musarudzo vachiti izvi hazvifanire kudzokororwa.

Mutungamiri wenyika akurudzirawo vanhu kuti vabatane mukurwisa chirwere cheCovid-19 icho chauraya vanhu vanodarika zviuru mazana mana kana kuti 400 000.

Gweta rinorwira kodzero dzevanhu VaDewa Mavhinga vachishanda nesangano reHuman Rights Wath vati mashoko aVaBiden akakosha zvikuru uye vakari nyaya yerusaruraganda inofanira kumiswa muAmerica.

Asi kekutanga mumakore akawanda, hapana kunyatsotambidzanwa masimba sezvo VaTrump vari kuramba kutambira zvakabuda musarudzo.

Munhoroondo yeAmerica yekugamuchidzana masimba, zvakagumisira kuitwa muna 1869 nevaive mutungamiri wenyika VaAndrew Johnson kuramba kuenda panotoreswa mhiko vainge vasarudzwa kutungamira nyika VaUlysses S. Grant.

Pazvakaitika zvekare muna 1921 zvakakonzerwa nehurwere hwaVaWoodrow Wilson vakakundikana kuona VaWarren G. Harding vachitoreswa mhiko semutungamiri wenyika.

Kunyangwe VaTrump vasina kuuya pakugadzwa kwaVaBiden, mutevedzeri wavo VaMike Pence vange varipo nedzimwe nhengo dzedare remaRepublicans.

Vamwe vaimbova vatungamiri venyika yeAmerica vanoti VaGeorge Bush, VaBill Clinton naVaBarack Obama varipo pakugadzwa kwaVaBiden. Vasina kuuya pavaive vatungamiri venyika ndiVaJimmy Carter nekuda kwekurwara.

Nekuda kwekutyira mhirizhonga kubva kuvatsigiri vaVaTrump, muWashington DC makazara mauto, nemapurisa. Muimbi ane mukurumbira Lady Gaga ndiye aimba national anthem uye vamwe vaimba ndiJennifer Lopez na Garth Brooks.

Mangwanani anhasi VaBiden nevakuru vebato ravo remaDemocrats nerinopikisa remaRepublicans vaenda kukereke yeSt Johns Episcopal Church vasati vaenda kuCapitol Hill.

VaTrump nezuro vakatura kunyika mashoko avo ekuoneka asi havana kudoma VaBiden nezita uye havana kutambira kuti ndivo vakakonzera mhirizhinga yakaitwa nevatsigiri paCapitol Hill iyo vari kunzi vakapesvedzera.

VaTrump vakataurawo nezvavanoti vakakwanisa kuita mumakore mana avaitungamira zvinosanganisira kugadzirisa hupfumi hwenyika, kusimbisa miganhu yenyika, kuona kuti nhomba yeCovid-19 yagadzirwa nechimbi chimbi nezvimwe.

VaTrump vasimuka mangwanani anhasi vakananga kuFlorida uko vanenge vave kuenda kunogara. Asi vasati vasimuka, vaonekana nevatsigiri vavo past Andrews Airforce Base muMaryland vakavimbisa kuti vachadzoka.

NeChipiri vachishandisawo masimba avo ehutungamiri wenyika, VaTrump vakaregerera vanhu zana nemakumi mana nevatatu vanosanganisira chipangamazano chavo VaSteve Bannon, vaimbi Lil Wayne naKodak Black asi havana kuzviregerera ivo nemhuri yavo sezvaifungidzirwa nevamwe.

Munhoroondo yeAmerica panyaya dzekuona mafungiro evanhu pahutungamiri kana kuti mapolls, VaTrump ndivo chete mutungamiri asina kukwanisa kusvika pakufarirwa nevanhu vanodarika zvikamu zvishanu kubva muzana kana kuti 50%.

Mushure mekutora mhiko, VaBiden vari kutarisirwa kubvisa mimwe mitemo yakadzikwa naVaTrump vachishandisa masimba avo semutungamiri wenyika kusanganisira munyaya dzekudyidzana nedzimwe nyika, mamiriro ekunze uye kudzivirira kupararira kweCovid-19.

Live Talk
please wait
Embed

No media source currently available

0:00 0:59:38 0:00
Pekupinda Napo Kuti Muone Zvamuri Kuda



Vakasarudzwa seMutungamiri weAmerica, VaJoe Biden, Votarisirwa Kutoreswa Mhiko neChitatu

Vakasarudzwa kuve mutungamiri wenyika, VaJoe Biden votarisirwa kutoreswa mhiko neChitatu.

Chitatu America iri kugadza mutungamiri mutsva, VaJoe Biden, pamwe nemutewedzeri wavo, Amai Kamala Harris, pamabiko achaitirwa muWashington DC., paine kuchengetedzwa nemauto kusati kwamboonekwa munhoroondo yeAmerica pakutoreswa mhiko kwemutungamiri wenyika.

Izvi zvinonzi zvakonzerwa nekutyirwa kuri kuitwa kuti vatsigiri vemutungamiri wenyika ave kusiya basa, VaDonald Trump, avo vakamboratidzira zvine mhirizhonga musi wa 6 Ndira kuCapitol Hill, vangangodzokorora zvakare kuratidzira uku.

VaBiden naAmai Harris vari kutarisirwawo kuremekedza vanhu vannosvika zviuru mazana mana, kana kuti 400 000, vakafa nekuda kwechirwere cheCovid-19 muAmerica pagungano riri kuitirwa muWashington DC.

Segadziriro yekugadzwa, mauto anosvika zviuru makumi maviri nezvishanu, kana kuti 25 000, akaiswa kuti achengetedze guta reWashington DC.

Ivo VaTrump, avo vakazivisa kuti havasi kuzoenda kunoona kugadzwa kwaVaBiden, vari kutarisirwawo kubuda mumuzinda weWhite House neChitatu mangwanani, kuitira kupinda kwaVaBiden.

VaBiden vakabudirira kugadzwa vanenge vave mutungamiri wechimakumi mana nenhanhatu, kana kuti 46, kuchitiwo Amai Harris vachive mudzimai wekutanga kuve mutewedzeri wemutungamiri wenyika.

Dare reseneti ratangawo zvakare kubvunzurudza vanhu vakadomwa naVaBiden kuti vazotora zvigaro zvepamusoro muhurumende yavo.

Vari kutarisirwa kumira pamberi pemakomiti eseneti vachibvunzurudzwa vanosanganisira vakadomwa kuve gurukota rezvemari, Amai Janet Yellen, gurukota rezvekudyidzana nedzimwe nyika, VaAntony Blinken, vakadomwa kuve gurukota rezvekudzivirirwa kwenyika, VaLloyd Austin, VaAlejandro Mayorkas, avo vakadomwa kuve gurukota rezvemukati munyika, pamwe naVaAvril Haines, avo vakadomwa kuti vave mukuru wevasori.

Chizvarwa cheZimbabwe chiri kuNorth Carolina muAmerica, VaEsau Mavindidze, vanoti vanofadzwa nekuenderera mberi kwehurongwa hwekutoreswa mhiko kwaVaBiden kunyange hazvo pakamboita mhirizhonga.

VaMavindidze vanoti nyaya yemhirizhonga yakamboitika muWashington DC uye iri kutyirwa kuti ingangodzokororwa pamwewo nehuwandu hwemauto akaiswa kudzivirira mhirizhonga mucherechedzo wekuti hutongo hwejekerere chinhu chinofanirwa kubatwa serusvava.

Hurukuro naVaEsau Mavindidze
please wait

No media source currently available

0:00 0:02:46 0:00
Pekupinda Napo Kuti Muone Zvamuri Kuda


Hurongwa Hwekugadzwa KwaVaJoe Bidden Hoenderera Mberi

Sangano rematikitivha muAmerica reFBI rinoti ratanga kuferefeta mauto ose anosvika zviuru makumi maviri nemashanu ari muWashington DC kuzochengetedza vakasarudzwa kuva mutungamiri wenyika VaJoe Biden apo vachatora mhiko nemusi weChitatu sezvo pari kutyirwa kuti vamwe vavo vanogona kuzokanganisa hurongwa uhu.

Asi munyori mubazi rezvekudzivirirwa kwenyika VaRyan McCarthy vanoti havana humbowo hwavaona hunoratidza kuti pane mauto aya pane angangopanduka. VaMccarthy vanoti vane humbowo hwekuti pane vamwe vasiri kufara nekusarudzwa kwaVaBiden vari kuda kuita zvemhirizhonga.

Mutungamiri wenyika VaDonald Tump avo vakakundwa musarudzo vari kuramba kutambira zvakabuda musarudzo uye vanoti havasi kuzoenda kudare reCapitol Hill apo VaBiden vanenge vachitoreswa mhiko.

VaTrump vari kutarisirwa kusimuka muWashington DC vakananga kuflorida nemusi weChitatu mangwanani Vabiden vasati vatora mhiko na 12 masikati muWashinton DC uye 7 manheru kuZimbabwe.

Vamwe vebato remaDemocrats vanyora tsamba kubazi rezvekudzivirirwa kwenyika kuti vasahengetedze vatrump avo vari kusiya basa zvakanyanya vachisiya vatungamiri vanenge vakaungana muwashington dc pakutoreswa mhiko kwavabiden. Asi kunyangwe zvakadaro, hurongwa hwekugadza vabiden huri kufambira mberi.

NeMuchuro pange pachiitwa hurongwa hwakanangana nekukurudzira mabasa ekuzvipira kushanda mukubatsira vamwe munharaunda pachena kana kuti “United We Serve” National Day of Service” senzira yekucherechedza mabasa akaitwa nemurwiri wekodzero dzevanhu mushakabvu Reverend Martin Luther King.

NeMuvhuro rainge riri zororo rekurangarira doctor king uye chikwata chaVaBiden chiri kucherechedzawo hupenyu hwaVaKing. Vanoongorora nyaya dzezvematongerwo enyika VaDavid Siampondo vanoti Doctor Kinga munhu arwira hutongo hwejekerere nekudaro zvakakosha kuti VaBiden vavarangariremuhuronwa hwekugadzwa kwavo.

please wait

No media source currently available

0:00 0:03:07 0:00
Pekupinda Napo Kuti Muone Zvamuri Kuda


America Yorangarira Doctor Martin Luther King muNyika Musina Runyararo

VaMartin Luther King, Jnr

Vanhu vemuAmerica neMuvhuro vainge vari pazororo rekurangarira mushakabvu Martin Luther King avo vairwira hutongo hwejekerere vachikurudzira vanhu kuti vasaite zvemhirizhonga.

Asi nyanzvi munyaya dzezvematonerwo enyika vachidzidzisa paWellesley College mudunhu reMassachusetts muAmerica, Doctor Chipo Dendere, vanoti dai Reverend Martin Luther King Jnr vainge vari vapenyu, vairwadziwa zvikuru nemhirizhonga iri kuitika muAmerica pahurongwa hwekutambidzana masimba.

Mutungamiri wenyika VaDonald Trump, avo vakakundwa sarudzo nevari kugadzwa semutungamiri wenyika VaJoe Biden, vari kuramba kutambira zvakabuda musarudzo izvo zvopa kuti munyika musave nekugadzikana.

Kubva zvaitika mhirizhonga yakakonzerwa nevatsigiri vaVaTrump, nemusi weChitatu svondo rapera, vanhu vatatu vakasungwa muWashington D.C. vaine zvombo nemabara asi vasina magwaro azvo uye vaine magwaro ekunyepa anovapa mvumo yekupinda munharaunda yeparamende yeAmerica, kana kuti yeCapitol Hill.

Nzvimbo zhinji muWashington D.C. dzakavharwa zvekuti vanopinda munharaunda yeCapitol Hill vanofanirwa kuve nemagwaro anoratidza kuti ndivanani uye kuti varikudei munzvimbo iyi.

Nemusi weChitatu, VaJoe Biden, nemutevedzeri wavo, Amai Kamala Harris, vanotarisirwa kutora mhiko dzavo dzekutungamira America asi zvichitevera zvakaitika nemusi weChitatu chapfuura, mapurisa nemasoja vakapinzwa muWashington D.C. kuona kuti hapana mhirizhonga inoitika pakutoreswa mhiko kwaVaJoe Biden nemutevedzeri wavo nemusi weChitatu.

Mapurisa anoti havasi kuda vanhu vanoratidzira vaine zvombo musi uyu naizvozvo nzvimbo zhinji dzavharwa muWashington D.C. pachingobvumidzwa avo vane chekuita nemhemberero iyi.

Nemusi weChishanu chapfuura, umwe murume akamiswa pa’roadblock’ achida kupinda munharaunda iyi. Akawanikwa aine zvombo nemazana emabara mumotikari make asi akatadza kutsanangura kwaakange achienda nezvese izvi.

Nemusi weMugovera, mumwe mudzimai ane makore makumi matanhatu nematatu (63), Amai Linda Magovern, vakasungwa pa’roadblock’ inopinda munharaunda iyi vachiti igurukota rehurumende itsva raVaBiden asi vakaedza kutiza mushure mekutadza kuratidza magwaro avo.

Mapurisa akazovaendesa kuchipatara chinoona nezvevanorwara nezvepfungwa.

please wait

No media source currently available

0:00 0:03:23 0:00
Pekupinda Napo Kuti Muone Zvamuri Kuda

Mutungamiri weAmerica, VaDonald Trump, Votarisira Kutongwa reDare reSenate

Donald Trump

Zvichitevera kubatwa nemhosva kwakaitwa mutungamiri weAmerica, VaDonald Trump, nedare re US House of Representatives, yekupesvedzera vatsigiri vavo kuti vaite mhirizhonga pa Capitol Hill svondo rapera, vanhu vazhinji vakatarisira zvichabuda kudare re Senate uko VaTrump vachatongwa.

Vanhu vazhinji vari kutarisa kuti chiyi chichaitwa nedzimwe nhengo dze Republican Party dzakaita semutungamiri webato iri mu Senate, VaMitch McConnell, avo vaigarotsigira VaTrump asi pari zvino vave kudududza zvisina kunyatsojeka.

Nyanzvi munyaya dzezvematongerwo enyika, Doctor Gadziro Kwekwerere, vanoti vanoona VaTrump vachizobatwa nemhosva kuSenate sezvo pane nhengo dzebato ravo dzisiri kufara nezvakaitwa naVaTrump.

"Pari zvino pane vamwe vatsigiri vebato remaRepublicans vasina kufara nezvakaitika ku US Capitol zvinosanganisira kurasikirwa kwehupenyu kwevamwe vanhu vakange vari pachiitiko ichi zvingangoita kuti vadare ava vavhote vachitsigira maDemocrats kuti VaTrump vane mhosva," vadaro Doctor Gwekwerere.

Kana VaTrump vakabatwa nemhosva kuSenate vanenge vasisakwanisi kuva nechigaro muhurumende.

please wait

No media source currently available

0:00 0:02:12 0:00
Pekupinda Napo Kuti Muone Zvamuri Kuda


Rodhai zvimwe

XS
SM
MD
LG