Accessibility links

Breaking News

Zviri Kuitika muAmerica

VaJohn Lewis Vanove Mutema Wekutanga Kurara muCapitol Rotunda

Mutumbi waVaJohn Lewis

Vanhu vazhinji, kusanganisa nhengo dzeparamende ye America, vari pakati pekukudza VaJohn Lewis, avo vakange vari mumiriri wedunhu reGeorgia muparamende ye America.

VaLewis vakashaya svondo rapera mushure mekurwara negomarara.Vange vave nemakore makumi masere.

Nezuro, mutumbi wa VaLewis wakaendeswa kunzvimbo dzinokosha mu Washington D.C. usati waendeswa kuparamende ye America, kana kuti Capital Hill, uko kwavakazoendeswa vakave munhu wechitema wekutanga kurara munzvimbo inonzi ‘Capital Rotunda’, nzvimbo inoiswa vanokudzwa kuti vanhu vavaone kekupedzisira vasati vanochengetwa.

Vanoongorora zvematongerwo enyika, VaCalvin Manduna vanoti, VaLewis vange vari murwiri wekodzero dzevanhu asingatye, vachiti varwiri vekodzero nerusununguko rwevanhu vakaita sa VaLewis havachawanikwi mazuva ano.

please wait

No media source currently available

0:00 0:03:15 0:00
Pekupinda Napo Kuti Muone Zvamuri Kuda

See all News Updates of the Day

VaJoe Biden Vanodoma Mudzimai Mutema, Seneta Kamala Harris, seMutevedzeri Wavo

VaJoe Biden and Senator Kamala Harris

Vari kumirira bato re Democratic Party musarudzo yemutungamiri we America ichaitwa musi wa 3 Mbudzi gore rino, VaJoe Biden, vadoma munhukadzi wechitema, Sineta Kamala Harris, veku California, kuti vave mutevedzeri wavo.

Vasati vasarudzwa kuve seneta, Amai Harris vakange vari gweta guru mudunhu reCalifornia kubva muna 2011 kusvika 2016 mushure mekunge vamboita gweta guru regita reSan Francisco.

Seneta Harris vakamboedzavo kukwikwidza kuti vapihwe mukana wekuva mumiriri webato reDemocratic Party musarudzo yemutungamiri wenyika, vachikwikwidzana naVaBiden nevamwe vazhinji vebato iri asi havana kubudirira havo.

Seneta Harris vange vari mumwe wevanhukadzi vazhinji vakange vachiferefetwa kana vachikodzera kushanda semutevedzeri waVaBiden.

Pakambove nechimwe chikwata chakaedza kurwisa kuti Seneta Harris vasatorwa semutevedzeri waVaBiden vachiti vaiomesera zvakanyanya vasungwa pavakange vari gweta guru mudunhu reCalifornia.

Baba vaSeneta Harris vakazvarwa kuJamaica vakauya kuAmerica muna 1961 uko vakazove muzvinafundo mune zvehupfumi pachikoro chepamusoro, cheStanford University.

Amai vaSineta Harris, avo vakange vari muongorori wechirwere chegomarara uye vachirwirwa kodzero dzevanhu, vakauya kuAmerica vachibva kudunhu reTamil Nadu kuIndia muna 1960.

Vanodzidzisa zvematongerwo enyika paWellesley College, mudunhu reMassachusetts, Doctor Chipo Dendere, vanoti zvakange zviri pachena kuti vaviri vaidikanwa zvikuru pachigaro ichi, ndiAmai Kamala Harris naAmai Stacy Abrams, vedunhu reGeorgia.

Seneta Harris vari kutarisirwa kupinda muhurongwa hwekuedzana pfungwa nemutevedzeri waVaDonald Trump, VaMike Pence.

please wait

No media source currently available

0:00 0:03:10 0:00
Pekupinda Napo Kuti Muone Zvamuri Kuda


Mimwe Mitambo Yoitwa Munharaunda Dzisina Vanhu Nekuda kweCoronavirus

American Basketball

Mitambo yakasiyanasiyana mu America yatanga kutambwa mushure mekumbomiswa nepamusoro peCoronavirus.

Mitambo, yakaita sebaseball, mijaho yemotikari, basketball neimwe yave kutambwa semazuva ose asi munharaunda dzinotambirwa mitambo iyi musina vanhu nepamusoro peCoronavirus.

Sezvo coronavirus iri kupararira zvine mutsindo mu America, hazvizikanwi kuti mitambo iyi icharamba ichitambwa kwenguva yakadini.

Vanofarira zvemitambo, VaTafadzwa Munjanja, vanoti kunyange hazvo mitambo iyi ichitambwa pasina vanhu vanenge vari munzvimbo dzinotambirwa mitambo iyi, pane mutsauko mushoma kana munhu achitarisa mitambo yakaita se baseball kana basketball patelevision sezvo matambiro achingori mamwe chete.

Vanoti mari yekutambirisa vatambi haibvi muvanhu vanenge vachibhadhara kuona mitambo asi kumabhizimisi anenge achizvishambadza.

please wait

No media source currently available

0:00 0:02:56 0:00
Pekupinda Napo Kuti Muone Zvamuri Kuda

Pamineti Yegayega Munhu Mumwe chete Arikufa neCOVID-19 muAmerica

Chirwere che COVID-19 mu America chiri kuramba chichibata vazhinji mune mamwe matunhu, kunyange hazvo mamwe matunhu ave kuratidza kudzikira kwe kutapuriranwa kwe chirwere ichi.

Tichienda pamhepo, America yange iine vanhu vanoita mamirioni mana nezviuru mazana masere (4, 800,000) vabatwa nechirwre ichi, vafa vachiita zviuru zana nemakumi mashanu nezvinomwe, nemazana mapfumbamwe ane makumi matatu (157, 930).

Dr Frenk Guni vati pane mishonga miviri inotarisirwa kubudirira mukudzivirira chirwere ichi, asi vachiti mishonga iyi ichiri kure kokuti vanhu vatange kuishandisa.

please wait
Embed

No media source currently available

0:00 0:03:49 0:00
Pekupinda Napo Kuti Muone Zvamuri Kuda


VaDonald Trump Vanoti Vachambomira Kuvharisa Tik Tok

Tik Tok

Mutungamiri we America, VaDonald Trump, vanoti pari zvino havasi kuzovharisa kambani ye Tik Tok mu America sezvavakange vambovimbisa, vachiti vakamirira kuti itengwe nekambani ipi zvayo yemuAmerica.

Tik Tok ikambani yepadandemutande inofarirwa zvikuru nevechidiki.

Tik Tok ikambani iri pasi pekambani yeku China inonzi ByteDance, izvo zviri kukonzera kuti America itye kuti Tik Tok inogona kushandiswa nehurumende yeChina mukuba ruzivo rwemakambani pamwe chete neruzivo pamusoro pe zvizvarwa zve America.

Tik Tok inoshandiswa zvikuru nevechidiki munyika zana nemakumi mashanu (150) uye inoshandisa ndimi makumi manomwe nemashanu (75).

Vanodzidzisa kutapwa kwenhau paTexas State University, kuSan Marcos, mudunhu reTexas, Muzvinafundo Prisca Ngondo, vanoti Tik Tok ine simba nekuti ine vechidiki vakawanda pasi pose izvo zvinotyisa vemuhurumende, avo vanotya kuti kambani iyi ingashandiswa mukuba ruzivo rwezviri kuitwa nemakambani muAmerica pamwe chete neruzivo rwevagari vemuAmerica.

please wait

No media source currently available

0:00 0:03:29 0:00
Pekupinda Napo Kuti Muone Zvamuri Kuda


VaJohn Lewis Vanoradzikwa kuAtlanta, Georgia

Vemauto vachipinza VaJohn Lewis mukereke yeEbenezer Baptist Church vasati vanoradzikwa

VaJohn Lewis, avo vaimirira dunhu reGeorgia muparamende ye America, vakachengetwa nezuro, China, 30 Chikunguru, 2020.

VaLewis vakashaya muAtlanta, Georgia, musi wa 17 Chikunguru mushure mekurwara negomarara.

Vange vave nemakore makumi masere.

Kwemasvondo maviri kubva zvavashaya, VaLewis vange vachiendeswa kunzvimbo dzakasiyanasiyana kuti vanhu vayenekane navo gwekupedzisira. Vakave mutema wekutanga kurara muCapitol Rotunda vanhu vachisarisana navo.

Pakuchengetwa kwavo, vaimbove vatungamiri veAmerica vatatu, vanoti President George Bush, President Bill Clinton na President Barack Obama, vakaungana nevanhu vazhinji vakange vachichengeta VaLewis.

Vaimbove mutungamiri weAmerica, VaJimmy Carter, vakatumira mashoko enyaradzo vachitsananguravo kuti vakange vachida kuve pakuchengetwa kwaVaLewis asi vatadziswa nehutano hwavo.

Vanoongorora zvematongerwo enyika, Doctor Frenk Guni, vanoti zvakaitika pakuchengetwa kwaVaJohn Lewis hazvisati zvamboitika muAmerica, zvikuru sei makudzirwo avakaitwa uye huwandu hwevaimbove vatungamiri veAmerica vakange varipo.

please wait

No media source currently available

0:00 0:04:53 0:00
Pekupinda Napo Kuti Muone Zvamuri Kuda


Rodhai zvimwe

XS
SM
MD
LG