Accessibility links

Breaking News

Zviri Kuitika muAmerica

America Yatarisana neDambudziko reKushaiwa Vashandi

Vashandi mufakitori mudunhu rePennsylvania

Makambani mazhinji muAmerica anoti ari kunetseka kuwana vashandi apo mabasa mazhinj ave kubuda zuva nezuva.

Pakatanga chirwere cheCovid-19, vanhu vakakurudzirwa kugara mudzimba dzavo izvo zvakakonzera kuti makambani mazhinji avharwe senzira yekurwisana nekupararira kwe chirwere ichi.

Panguva iyi, hurumende yakatanga kupa zvizvarwa zveAmerica mari yekubatsirika.

Izvi zvakashorwa zvikuru nevebato rinopikisa, reRepublican Party, vachiti izvi zvichakonzera kuti vanhu vasada kuenda kumabasa sezvo vanhu vakange vava kuwana mari zhinji vagere kudzimba dzavo pane yavainowana kubasa.

Dzimwe mari dzekubatsira idzi, dzichiri kupiwa kune vamwe vanhu nazvino. Nyanzvi dzezvemabasa nezvemabhizimisi dzaitaura kuti pamozarurwa mabhizimisi mazhinji, pachaita vashandi vakawanda asi mabasa ari mashoma.

Ikozvino matunhu mazhinji akaregera kubatsira vanhu nemari dzavaipiwa mazuva akatanga kupararira Coronavirus.

Makambani mazhinji arikuvhurwa zvakare uye mabasa mazhinji arikumuka zuva nezuva asi vanhu vanotsvaka kana kutora mabasa aya vashoma.

Nyanzvi mune zvemabhizimisi, vachidzidzisa paDevry University, Muzvinafundo Elliot Masocha, vanoti vanhu vajaira kushanda vari kumba, naizvozvo havachafariri mabasa avanoita kunze kwedzimba dzavo, vachiti vanhu vachirikutyavo chirwere cheCovid-19 icho chichiri kunetsa pasi pose.

Muzvinafundo Masocha vanoti sekukwezva vashandi, makambani mazhinji ava kuwedzera mari yemihoro yevashandi vawo nekuvapa zvimwe zvisiri mari, zvakaita sekuvabhadharira mari dzechikoro, zvikwereti zvekutenga motikari nezvimwe asi mabasa ari kubuda ari kushaya vazhinji vari kuatora.

please wait

No media source currently available

0:00 0:04:38 0:00
Pekupinda Napo Kuti Muone Zvamuri Kuda

See all News Updates of the Day

Chizvarwa cheZimbabwe Chobatsira Vakawirwa neDambudziko reMafashamu eMvura kuCalifornia

USA, California, Floods (Foto: Reuters video grab)

Chimwe chizvarwa chekuZimbabwe chinotungamira sangano reConcerned Family amai Fortunate Hove Cooper vanoti sangano ravo riri kubatsira vanhu vakawirwa nedambudziko remafashamu emvura mudunhu reCalifornia muAmerica.

Amai Fortunate Hove Cooper
Amai Fortunate Hove Cooper

Vanhu gumi nevasere vakafa uye vamwe vakatsakatika mushure mekunge dzimba dzayeredzwa nemvura.

Hatisati tanzwa kuti pane vakashaya pane chizvarwa cheZimbabwe here. Amai Cooper vanoti sangano ravo ririkubatsira nechikafu chekudya nezvikwanisiro zvakasiyana siyana kune avo vari munharaunda yeku Riverside kwavanogara nekushandira muCalifornia.

"Zuva nezuva tirikupa vanhu chikafu, nezvikwanisiro zvakasiyana siyana kune avo vakawirwa nedambudziko remafashamu, nekuti dzimwe mhuri dzakarasikirwa nepekugara zvekuti vamwe tiri kuvabatsira kuti vawane pekugara pari zvino," Amai Cooper vaudza Studio7.

please wait

No media source currently available

0:00 0:02:28 0:00
Pekupinda Napo Kuti Muone Zvamuri Kuda

America yoCherechedza nekuRemekedza Vatungamiri Vayo

America yoCherechedza nekuRemekedza Vatungamiri Vayo
please wait

No media source currently available

0:00 0:02:33 0:00
Pekupinda Napo Kuti Muone Zvamuri Kuda

Chizvarwa cheZimbabwe VaMunyuki, Vorumbidzwa Mushure meKubatsira Mudzimai Wavo kuSununguka Vari muNzira yeKuenda kuChipatara muAmerica

VaPaul Munyuki nemudzimai wavo Kudzie nemwana wavo Namatayi

Chimwe chizvarwa cheZimbabwe chiri muguta reSanatoga muPennyslyvania muAmerica, VaPaul Munyuki, vanoti vanotenda Mwari kuti vakakwanisa kubatsira mudzimai wavo, Kudzie, kuti abatsirwe nemwanasikana wavo wekutanga vari munzira yekuenda kuchipatara.

VaPaul Munyuki nemudzimai wavo Kudzie nemwanasikana wavo Namatayi
VaPaul Munyuki nemudzimai wavo Kudzie nemwanasikana wavo Namatayi


VaMunyuki vanoti vakawana rubatsiro kubva kunavana mazvikokota parunhare asi pakazosvika veamburenzi vakange vatokwanisa kubatsira mudzimai wavo kuti asununguke mwanasikana wavo wavakapa zita rekuti Namatayi.

Vanoti huwandu hwedzimotokari munzira yekuenda kuchipatara ndihwo hwakakonzera kuti vafunge kumbopaka motokari yavo parutivi pemugwagwa sezvo mwana akanga ave kutobuda.

"Ndakaona kuti pangange pasisina nguva yekuti ndirambe ndichityaira mota kuti tisvike kuchipatara sezvo mudzimai wangu anga avekutoratidza kurwadziwa zvakasimba uye ndakabva ndaona musoro wemwana wave kutobuda ndikafunga kuti zvange zviri nani kuti ndiite zvese zvandaikwanisa ndiri panyasi pemungwagwa," VaMunyuki vakadaro vachitaura neStudio7.

Mudzami wavo anoti anotenda Mwari nekuti zvinhu zvese zvakafamba zvakanaka uye pakazosvika nyanzvi dzezvehutano akange atobatsirwa ari mumotokara ari pachigaro chekumberi.

please wait

No media source currently available

0:00 0:02:27 0:00
Pekupinda Napo Kuti Muone Zvamuri Kuda

Voice of America Inopemberera Makore Makumi Masere Yaumbwa

Nhepfenyuro yeVoice of America yakatanga kutepfenyura musi wa01 Kukadzi 1942.

Nhepfenyuro yeVoice of America neChipiri yapemberera kusvitsa makore makumi masere kubva zvayakaparurwa muna 1942.

Voice of America inotepfenyura kuvanhu vanodarika mamiriyoni mazana matatu ane gumi nerimwe kana kuti 311 million pasvondo rega-rega pasi rose mumitauro makumi mana neminomwe, kana kuti 47, munyika dzinoda kusvika zana, kusanganisira muZimbabwe, umo inotepfenyura seStudio 7.

Zvirongwa zvayo zvinoburitswa pamasaisai anosanganisira marhedhiyo, materevhizheni, nharembozha nepamadandemutande pasi rose.

Chizvarwa cheZimbabwe uye vari muteereri mukuru weVoice of America, VaFrenk Guni, vanoti nhepfenyuro iyi yabatsira zvikuru kuwanisa vanhu mukana wekunzwa nhau dzakaringana dzine hunyanzvi zvaita kuti vaive nepfungwa yekuti yakanangana nekushandura dzihurumende, zvikuru mubato riri kutonga reZanu PF nemuhurumende, vave nemaonero matsva.

Hurukuro naVaFrenk Guni
please wait
Embed

No media source currently available

0:00 0:04:13 0:00
Pekupinda Napo Kuti Muone Zvamuri Kuda


VaBiden Vanotaura Pamusoro peZvavaita Mugore Ravo reKutanga Vari paNyanga

UKRAINE-CRISIS/BIDEN

Mutungamiri weAmerica, VaJoe Biden, vakazvirova dundundu nezuro vachiti kunyange hazvo gore ravo rekutanga vari muhofisi ranga riine zvipingaidzo zvakawanda, pane budiriro dzakawanda dzavakakwanisa kuita.

VaBiden vakati vakakwanisa kuti pave nemutemo wekurwisa denda reCovid-19 uchitsigirwa nemari inoita US$1.9trillion pamwe nekuva nemutemo wekuvandudza zvivakwa paine mari inoita US$1 trillion.

VaBiden vakatiwo huwandu hwevanhu vakabayiwa nhomba yekudzivirira Covid-19 hwakakwira mugore ravo rekutanga vari panyanga.

JOE BIDEN ONE YEAR
JOE BIDEN ONE YEAR

Asi vakaratidza kushushikana kukuru nebhiri remutemo weBuild Back Better Bill, iro rakatambirwa nedare repasi, asi ranetsa kuti ribudirire mudare reSeneti.

Vakati bhiri iri, iro rine chinangwa chekubatsira vanhu munguva yematambudziko, rinogona kupatsanurwa, vakabvumawo kuti hurumende yavo yaifanirwa kunge yakawedzera mutsindo mukusimudzira kuwanikwa kwezvikwanisiro zvekuvheneka chirwere cheCovid-19.

VaBiden vakati chimwe chinhu chivasina kuita kusvika pari zvino, kwaiva kusakwezva madzishamwari avo mubato reRepublican Party kuti vapinde muhurongwa hwekuti zvinhu zvive nani munyika.

VaBiden vakatiwo vanofunga kuti Russia ichapinda zvechisimba mu Ukraine, vachiti America nemadzisahwira ayo ine zvirango zvisati zvambowonekwa zvayakagadzirira kutemera Russia kana ikaita izvi.

Asi Russia iri kuramba kuti ine hurongwa hwekupinda nechisimba muUkraine kunyange hazvo yazadza mauto ayo pamuganhu wayo neUkraine.

Vachitaura pamusoro pedenda reCovid-19 vari pamuzinda wavo we White House, VaBiden, avo vakamboshanda semutevedxzeri wemutungamiri wenyika munguva yaBarrack Obama, vakazivisa kuti zvikoro zviri kuvharwa nepamusana peCovid-19 zvishoma, vachiti zvikoro zvinoita zvikamu makumi mapfumbamwe nezvishanu kubva muzana, hazvina kuvharwa. Vakati hurumende yavo iri kuita zvose zvainogona kuitira kuti denda reCovid-19 risaramba richishungurudza nyika.

Vanoongorora zvematongerwo enyika, vachidzidzisa zvemabhizimisi paDeVry University, kuOhio, Muzvinafundo Elliot Masocha, vanoti VaBiden vakataura zvinhu zvinoda kunzwikwa nevanhu vazhinji muAmerica.

Muzvinafundo Masocha vanoti VaBiden vakaedza zvikuru kuda kugadzirisa zvinhu munyika kuburikidza nekuwana rutsigiro rwemari.

Asi vanoti zvimwe zvishuviro zvaVaBiden zviri kutadza kubudirira sezvo vasiri kuwana rutsigiro rwenhengo yebato ravo mudare reSeneti, Senator Joe Manchin, avo vane vhoti yakasimba mudare iri.

Sen. Joe Manchin
Sen. Joe Manchin

VaBiden vakakatoreswa mhiko musi wa 20 Ndira 2021 vachitora basa raiva raVaDonald Trump, avo vakakunda musarudzo dzakaitwa muna Mbudzi 2020.

please wait

No media source currently available

0:00 0:04:05 0:00
Pekupinda Napo Kuti Muone Zvamuri Kuda


Rodhai zvimwe

XS
SM
MD
LG