Gurukota rinoona nezve mari, Va Tendai Biti, vari kutarisirwa kuparura mashandisirwo emari muchikamu chechipiri chegore rino. Vanoziva zviri kuitika vanoti VaBiti vachange vachiburitsa pachena mari yakawanikwa nehurumende, uye mari ichashandiswa nemapazi ehurumende.
Zvinonziwo
pane hurongwa hwekuvandudza mutemo we Reserve Bank Act, kuitira kuti bhanga iri
rishande nenzira kwayo. Vakawanda vari kutarisira VaBiti kuti vatange kupa
vashandi vehurumende mari dzemuhoro dzinovakwanira kuti vakwanise kuchengeta mhuri
dzavo.
Va Takafira Zhou ndivo mutungamiri we Progressive Teachers Union. Sandra Nyaira weStudio7 aita hurukuro naVa Zhou kuti tinzwe zvavari kutarisira
kuna VaBiti mangwana.
Va Prosper Chitambara inyanzvi munyaya dzezvehupfumi, uye vachishanda
nesangano re Labour and Economic Development Research Institute of Zimbabwe.
VaChitambara vanoti VaBiti vachine mutoro wekugadzirisa zvinhu zvisina kumira zvakanaka munyika.