Muvhuro, Gumiguru 6, izuva rekucherechedza World Habitat Day, kana kuti zuva re kugara zvakanaka kwevanhu pasi rose. Dindingira regore rino rinoti “Harmonious Cities” for World Habitat Day 2008.
Mumashoko avo kuruzhinji rwevanhu pasi rose, Executive Director
ve UN-Habitat, Amai Anna Tibaijuka, vanoti panguva yekucherechedza zuva iri,
vanhu vakawanda pasi rose, vave kutizira kunogara kumaguta.
Vati zvakakosha kuti sangano re United Nations rikurudzire dzihurumende kuti dzinangane nehuwandu hwevanhu vave kugara muzvitumba zvavari kuvaka mumaguta, izvo zvave kuita kuti kuwanikwa kwemvura yakachena, magetsi nezvimwe zvakadaro, zvishaike. Mhemberero dzegore rino dzaitirwa muguta reLuanda kuAngola, sezvo guta iri riri kushandiswa semuenzaniso weguta rabudirira pakugarisa vanhu zvakanaka, zvichitevera hondo yakambopisa munyika iyi.
Carole Gombakomba weStudio7 aita hurukuro naIshe Edison Chihota, nhengo ye board re Zimbabwe Human Rights (NGO) Forum, kuti tinzwe zvakakoshera zuva iri.