Accessibility links

Breaking News

Masangano Ozeya Zvinoreva Mutemo Mutsva


Masangano akazvimirira oga anobatsira vanhu nezvekudya nezvimwe zvakadaro ari mushishi kuita misangano yekuzeya kuti votambira here mutemo mutsva wakadzikwa nehurumende wekuti masangano aya anofanirwa kunyoresa nehurumende musi wa 30 Gunyana usati wasvika, kana achida kuramba achibatsira vanhu munyika.

sangano reNANGO rinoti hurumende yakati masangano aya anofanirwa kunyora ma“monitoring and evaluation” forms anoratidza pachena mashandisiro avo emari pamwe nemashandiro avo. Nango inoti zviri kuitwa nehurumende chiratidzo chekuti haisati yapa mvumo kumasangano anobatsira vanhu sematauriro airi kuita.

Mutori wenhau weStudio7, Carole Gombakomba, aita hurukuro naReverend Forbes Matonga, National Director veChristian Care, avo vanoti kunyange hazvo vachiri mushishi yekugadzirisa vashandi nezvimwe zvakadaro, vave kutotanga mabasa ekupa vanhu rubatsiro rwezvekudya.

Carole Gombakomba aitawo zvakare hurukuro na Ishe Edson Chihota, nhengo yebhodhi reNANGO, pamwe ne Zimbabwe Human Rights NGO Forum, avo vanoti masangano anorwira kodzero dzevanhu haasi kufara nemutemo mutsva uyu, uyo uniti naivowo vanofanirwa kunyoresa zvimwe zvinodiwa nehurumende kuti vakwanise kushanda.


Dzimwe Nhau Kubva kuStudio7...

XS
SM
MD
LG