MDC inotungamirirwa nava Morgan Tsvangirai, iri kupomera masoja mhosva yokutsvagira ZANU-PF rutsigiro pamberi pesarudzo dzekutsvaga mumiriri we Chiredzi muparamende.
Va Callisto Gwanetsa, varikukwikwidza vakamirira ZANU-PF musarudzo idzi kuchitiwo MDC yava Tsvangirai yakamirirwa naamai Immaculate Makondo.
Vamwe vari kukwikwidza musarudzo idzi ndiva Maya Zinamwe varikumirira MDC inotungamirwa nava Arthur Mutambara pamwe nava Miyetani Chauke ve United Peoples Party.
Sarudzo dzokutsvaga mumiriri we Chiredzi South dzinotevera kufa kwava Aaron Baloyi vaiva ve ZANU-PF.
Mutori wenhau we Studio 7, Thomas Chiripasi anotipa nyaya iyi.