Rimwe sangano rinoremekedzwa pasi rose rinoongorora nyaya dzesarudzo reThe Carter Centre raburitsa gwaro raro rekupedzisira riri kutarisa sarudzo dzakaitwa munyika gore rapera.
The Carter Center isangano rakaumbwa nevaive mutungamiri wenyika yeAmerica VaJimmy Carter.
Gwaro resangano iri rinoti sarudzo idzi hadzina kusvika pachikero chinotarisirwa pasarudzo dzejekerere pasi rese.
Mashoko aya ndiwo akataurwawo nveSADC, Africa Union, EU nevamwe munyika nekunze.
Kufambiswa zvakanaka kwesarudzo kwakapa kuti veEU vati havachabatsire Zimbabwe Electoral Commission nemari uye veAmerica vachitiwo havachabatsire Zimbabwe muhurongwa hwekuti itaurirane nevayakakwereta mari yairi kutadza kubhadhara.
Asi mutungamiri wenyika VaEmmerson Mnangagwa nemakurukota avo nebato reZanu-PF vari kufamba havo vachireva bembera kuti sarudzo dzakafambiswa zvakanaka.
Nyanzvi munyaya dzezvematongerwo enyika , vachidzidzisa pachikoro che pamusoro che Tswaane University of Technology, Muzvinafundo Ricky Munyaradzi Mukonza vaudza Studio 7 kuti The Carter Centre yakakwanisa kuburitsa zvakaonekwawo nevazhinji vakaondororora sarudzo idzi zvekuti hadzina kufambiswa zvakanaka.
Forum