Zvikwata zvekuchamhembe kweAfrica zvinoti DRC, Angola neSouth Africa zvaita zvanga zvisingatarisirwe apo zvapinda mumakota fainari eAfcon paine tarisiro yekuti zvingangotora mukombe.
Angola irikusangana neNigeria nhasi mumutambo uyo vakawanda muZimbabwe varikutarisira uyezve vaine chivimbo kuti maAntelopes ekuAngola aya anokunda. DRC iri kutambawo neGuinea.
Hapana aitarisira kuti Angola, DRC ne South Africa dzingasvika mumakota fainari emakundano aya ayo akaunganidza zvikwata makumi maviri nezvina.
Kunyange hazvo Nigeria ichitarisirwa pamusoro-soro munhabvu kudarika Angola zvakanyanya, aimboridza pembe muPSL VaSam Hamandawana vanoti nhabvu yashanduka zvekuti hakusisina zvikwata zvinonzi zvidiki.
Zvimwe zvikwata zvekuchamhembe kweAfrica zvaive kumakundano aya asi zvakabuda nechimbi-chimbi iNamibia, Tanzania, Mozambique neZambia.
Aimbotambira Dynamos Sam Mutenheri anoti semaonero ake chimwe chezvikwata cheAngola kana South Africa chichatora mukombe uyu nenyaya yekubatana kwaa
Muongorori wemutambo wenhabvu VaSimbai Mawarire vanoti South Africa iri kutsika bhora zvinoshamisa.
Makundano eAfcon arikupera musi wa 11 Kukadzi apo veruzhinji varikutarisira kuti Angola kana South Africa dzinotora mukombe uyu.
Asi aimbotambira Black Aces Davis Mbidzo anoti Mali ndiyo irikutora mukombe pasina arikufundzira.
Mitambo yemakota fainari yeAfcon yakamira seizvi …
Chishanu
Nigeria vs Angola
DR Congo vs Guinea
Mugovera
Mali vs Ivory Coast
Cape Verde vs South Africa
Forum