Kumakwikwi eAfrica Nations Cup ari kuitirwa kuIvory Coast, mimwe mikono yakadonhedzwa mumitambo yekutanga uye mimwe iri kutatarika.
Nyanzvi munyaya dzezvemitambo Thandazani Zimbwa anoti zviri kuitika izvi munongedzo wekuti mukaha pakati pezvikwata zvikuru nezvidiki uri kuvharika. Nezuro Cameroon iri kutarisirwa nevamwe kuti inogona kusimudza mukombe uyu yakaita mangange neGuinea 1-1.
Guinea yaive nevatambi gumi muchikamu chechipiri sezvo mumwe mutambi wenyika iyi ainge apihwa kadhi dzvuku. Algeria iyo inotorwa sechikwata chepamusoro yakaitawo mangange neAngola 1-1.
Senegal, iyo ine mukombe uyu parizvino yakakunda Gambia 3-0. Ghana yakakatyamadza vanhu vakawanda mushure nekurohwa 2-1 neCape Verde. Nigeria yakatatarikawo apo yakaita mangange 1-1 neEquatorial Guinea.
Egypt yakabuda nepasaka reshumba mushure mekunwisa munguva yakawedzerwa ndokuzoita mangange 2-2 neMozambique. Ivory Coast yakarova Guinea Bissau 2-0.
Nezuro, ghana yakarohwa 2-1 necape verde ukuwo egypt ikapona nepasaka reshumba mushure mekuita mangange nemozambique. Nhasi senegal yarova gambia 3-0.
Forum