Dare reHouse of Representative muAmerica Rotarisirwa Kuvhotera Mumwe Mutauriri

Sarudzo dzekutsvaga mumwe mutauriri wedare reHouse of Representative dziri kutarisirwa kuitwa svondo rinouya. Izvi zvinotevera danho rakatorwa nedare iri rekuvhota kuti VaKevin McCarthy vebato remaRepublicans vasiye basa.

Aka ndekekutanga munhoroondo yeAmerica kuti mutauriri wedare reHouse Of Representative akamanikidzwa kusiya basa mushure mekunge atadza kuwana mavhoti akakwana.

VaMccarthy vakamanikidzwa kusiya basa neChipiri mushure mekuwana mavhoti mazana maviri negumi 210, asi vaida kuti vasiya basa vakaita mavhoti mazana maviri negumi nematanhatu kana kuti 216.

Nhengo yebato ravo VaMatt Gaetz ndivo vakaita kuti nhengo dzedare iri dzivhote vachiti vainge vasiri kufara nemabatirwo ebasa naVaMcCarthy.

Gweta rinorwira kodzero dzevanhu vachishanda nesangano reAll Hands On Justice VaKennedy Masiye vanoti zvakaitika muAmerica zvinoratidza kuti mune zinyekenyeke mubato remaRepublicans sezvo vari ivo vakasimudza vhoti yekuti maMcCarthy vasiiswe basa.

Vanoti nyika dzakaita seZimbabwe dzinokwanisa kudzidza kukosha kwakaita kuti munhu amirire nyika yake kwete bato chete kunyangwe zvichizoreva kuti anokwanisa kusiyiswa basa kana achinge atadza.

Embed share

Hurukuro naVaKennedy Masiye

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:37 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player