Bato reDemocratic Union of Zimbabwe Rinoparurwa Zviri paMutemo Mutungamiri Waro VaChapman Vachiti  Nyika Yaparara

Vachitaura pavaparura bato ravo, VaChapman vati nyika yaenda kumawere zvekuti mari yemunyika yave mashizha chaiwo.

"Kana uchipinda muzvitoro pane munhu anenge akatogara panechingwa achichinja mutengo nguva nenguva nekuti mari haicjashande ave mashizha."

Vati vanhu vese vanoda kuvaka nyika vanofanirwa kubatana nebato ravo." Isusu seDUZ hatina basa kuti unobva kupi kana une moyo nepfungwa dzekuvaka nyika huya kuDUZ."

VaChapman vati kuwondomoka kwehupfumi hwenyika pamwe nekushaya simba kwemari yemunyika kuri kukonzerwa nehurumende iripo.

Vachitaurawo neChishanu vari kuMasvingo kwavakasangana nevachange vachivhota kekutanga, mutungamiri wenyika vari mutungamiri weZanu PF VaEmmerson Mnangagwa vakati mapato anopikisa achishanda nedzimwe hurumende dzekunze ndivo vari kukonzera kuti mitengo yezvinhu iite chamurambamhuru senzira yekuti bato ravo reZanu PF rishaye mavhoti musarudzo dzaNyamavhuvhu.

Mumwe anga ari pamusangano apa angoda kuzivikanwa nekunzi Charity ati kunyangwe hazvo VaChapman vachiratidza kuti vane hwaro hwekugadzirisa hupfumi, musangano wanhasi waratidza kuti havana vanhu.

Vanhu vapinde musangano wanhasi uyu vangangosvika mumazana mashanu.

VaChapman vati bato ravo rakapinda panyanga richagadzirisa nyaya yemari yenyika, migwagwa, zvipatara, kushandisa zviwanikwa nemazvo, kugadzirisa zviri kunetsa munyika zvose pamwe nekuchenesa maguta.

Zimbabwe iri kuzoita sarudzo musi wa23 Nyamavhuvhu gore rino uye VaChapman vati ndivo mumwe wevachange vachirwira chigaro chemutungamiriri wenyika.

Embed share

Nyaya ina Rutendo Mawere

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:55 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player