Gungano reZvizvarwa zveZimbabwe Zviri muAmerica, reZimExpo, Rotanga neChishanu muAtlanta, Georgia

Gungano reZim-Expo regore rino ratanga nhasi muguta reAtlanta mudunhu reGeorgia apo zvizvarwa zveZimbabwe zviri muAmerica zviri kusangana nekuyanana munyaya dzemabhizimusi, mitambo, nezvimwe zvakasiyana siyana.

Mumwe wevari kuronga chiitiko ichi, Doctor tonderai Tela veZim-Expo, vanoti vashandi vemuzinda weZimbabwe muAmerica vachange vari pagungano iri kutanga nhasi vachibatsira zvizvarwa zveZimbabwe zvinoda magwaro ekufambisa nezvimwe.

"Tichange tine vashandi vanobva kumuzinda weZimbabwe wekuWashington vachange vachipa vanoda mangwaro ekufambisa nezvimwe nhasi nemangwana uye pachange pane mabiko makuru manheru anhasi achawunganidza vana muzvinabhizimusi vemuno muAmerica nevabva kuZimbabwe apo vachange vachizeya pamusoro penzira dzekudyidzana,"VaDoctor Tela vaudza Studio7.

Vaimbi vanemukurumbira vekuZimbabwe vanoti Tammy Moyo na Poptain vachangewo vari pachiitiko ichi.

"Vaimbi vanobva kuZimbabwe vachabatanawo nevamwe vaimbi vanoimba vari muno muAmerica asi vachibva kumusha mukufadza veruzhinji vachange vari pachiitiko ichi," Doctor Tela vaenderera mberi.

Embed share

Hurukuro naDoctor Tonderai Tela

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:05 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player