Sezvo sarudzo dzegore rino dzaswedera, mapato maviri makuru ari munyika anoti Zanu PF ne Citizens’ Coalition for Change atotanga gadziriro dzekupinda musarudzo kuburikidza nekusarudza vachaamirira musarudzo idzi.
Bato reZanu PF rakapeta hurongwa hwaro hwekutsvaga vacharimirira musarudzo apo rakaita sarudzo dzema primary mumatunhu mashanu akanga asara mukupera kwesvondo.
Politburo yebato iri yakatambira zvakabuda musarudzo idzi pamuangano wakaitwa neChitatu manheru muHarare.
Nhengo yeZanu PF inogara kuBritain, Doctor Simbabwe Mavaza, vanoti bato ravo ratotanga kuisa tsoka pasi kutsvaga rutsigiro vachiti vanotarisira kuti vanokunda zvine mutsindo nekuti vakagadzirira zvakasimba.
Ukuwo, bato rinopikisa reTripple C rinonzi riri mushishi kuongorora nhengo dzaro dzakaisa mazita munguwani kuti dzizokwikwidza dzakamirira bato musarudzo dzegore rino.
Zanu PF inonzi yatove pamberi munyaya dzegadziriro ichinzi takatengera nhengo dzayo dzichakwikwidza musarudzo zvikakarara zvemotokari dzekushandisa mukutsvaga rutsigiro.
VaDzvokora va.akafanobata chigaro chasachigaro wedunhu reNorth America mubato reTripple C, VaTawanda Dzvokora, vanoti mubato ravo mune mufaro wakawedzerwa sezvo vari kuita zvinhu zvisati zvamboitwa mukusarudza vachamirira bato musarudzo.
Panyaya yekutengwa kwedzimotokari neZanu PF, VaDzvokora vanoti bato riri kutonga riri kutambisa mari nekutenga dzimotokari dzekutsvagisa rutsigiro asi zvipatara zvemunyika zvisina mishonga nemaamburenzi.
Asi Doctor Mavaza vanoti bato reZanu PF harisi hurumende nekudaro haribvumidzwe nemutemo kutengera nyika dzimotokari. Vanoti motokari idzi dzichashandiswa kusvika mumatunhu anonetsa kusvika.
Facebook Forum