Muimbi weMusambo weDance Hall, Courage "Wasu" Mutakura, Anoti Mimhanzi Yake Iri Kutambirwa Asi Achichema neMatambudziko Ari Mune zveMagitare

Muchirongwa chedu chemagitare chesvondo rino tinokupai hurukuro nemuimbi wemusambo weZim Dance Hall, Courage Mutakura, uyo anozivikanwa mune zvemagitare nerekuti “Wasu”.

Courage ane dambarefu rinonzi “Chellamix Wasu Singles Collection,” iro raanoti akabatanidza nziyo dzinokwana kuita shanu dzinoti "Ndinochema," "Murudo", "Mufaro", “I Am Down On Bending Knees” na"Ndimi Munoziva."

Sezvinongowanikwawo mumabsa mose, muimbi wechidiki uyu anoti mubasa rake remagitare mune matambudziko amowo aanosangana nawo akaita sekushaiwa mari inokwana kutsikisa nziyo zvine hunyanzvi hwepamusoro sezvo zvichidhura kuita izvi.

Anotiwo kushambadza nziyo dzake nekuwana mikana yekuridzira munhandare dzinowana magungano akakura hazvisi nyore, asi achiti izvi hazvisi kuzomuoresa mwoyo.

Vanoda kubata "Wasu" vanokwanisa kumuwana panhamba dzake dzenharembozha dzinoti +263 783 577 433,uyewo padandemutande rake reFaceBook pasi pezita rekuti Chellamix.

Vanoshandisa tsambambozha vanokwanisa kumuwana pachellamix@gmail.com.

Courage anotendawo vatsigiri vake nekumupa rutsigiro rwakakura kwavanoita pamwe nevanhu vari kufarira mimhanzi yake yaari kurova.

Embed share

Hurukuro na Courage Mutakura-Woza Friday

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:06:09 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player