Accessibility links

Breaking News

Munyori weKanzuru yeBikita Omiswa Pamberi peDare neNyaya yeHuwori Pakutenga Zvikakara zveMota


Munyori wekanzuru yeBikita, VaPeter Chibi nhasi vamiswa pamberi pedare reMajistireti reBikita vachipomerwa mhosva yehuori hwekutenga zvikakara zvemotokari dzemamaneja anosanganisira ivo zvisiri pamutemo vakabvisiswa mari yechibatiso inosvika zviru makumi mashanu emadhaora emunyika kuti vatongwe vachibva kumba.

VaChibi avo vakausungwa nezuro nebazi reZimbabwe Anti-Corruption Commission(ZACC) rikavaendesa kumapurisa eBikita vanzi nemutongi wedare VaTakawira Mugabe vazodzoka kudare musi wa 17 mwedzi uno.

Vanzi vasiye gwaro ravo rekufambisa pamwe nekuZVIPIRA kumapurisa musi wechishanu wega-wega.

ZACC inoti vaChibi vakatyora chikamu 91 chemutemo weFinance Management Act Chapter 22.19 apo vakatenga zvikakara zvemotokari dzemhando yeToyota GD 6 nemari inosvika zviuru mazana maviri nemamakumi maviri nezvipfumbamwe zvemari yekuAmerica US$222 900 vasina kupuwa mvumo nehurumende.

Hatina kukwanisa kubata gweta raVaChibi, VaPhilip Shumba Mutendi, Mudisi and Shumba legal practitioners kuti vatipe divi ravo.

Asi mutauriri wesangano revagari reBikita Residents and Rate Payers Association VaMark Mutengani vati vafara zvikuru nekusungwa kwemukuru vekanzuru achipomerwa mhosva yehuori.

ZACC vakaferefeta nyaya iyi mushure mekuchema-chema kwevagari pakatengwa motokari idzi dzikazonyereswa mumazita evakuruvakuru vekanzuru iyi kwete zvinotarisirwa pamutemo zvekuti dzive midziyo yekanzuru.

please wait
Embed

No media source currently available

0:00 0:01:38 0:00
Pekupinda Napo Kuti Muone Zvamuri Kuda

Facebook Forum

XS
SM
MD
LG