Citizens Coalition for Change Inoti Yakanyimwa Mvumo neMapurisa Kuita Musangano paNzvimbo yemaBhizimusi yeMurehwa Centre

Bato rinopikisa, reCitizens’ Coalition for Change, rinoti ranyimwa mvumo zvakare nemapurisa yekuti riite musangano waro wekupemberera kusvitsa gore kubva paraparurwa wanga wakarongwa kuitirwa panzvimbo yemabhizimusi yeMurehwa Centre neMugovera.

Tsamba yaonekwa neStudio 7 yakanyorwa nemukuru wemapurisa mudunhu reMurehwa, anonzi Chief Superintendent Masvisvi, inoti bato iri rakanyimwa mvumo nekuti nzvimbo yaraida kushandisa yakanga yakabhukwa kare nerimwe bato ravasina kudoma.

Vakati nekuda kwaizvozvo, kubvumidza CCC kuita musangano panzvimbo iyi kwaigona kuzokonzera mhirizhonga.

Mukuru wemapurisa uyu akatiwo chimwe chikonzero chaive chekuti bato iri rakanga risina kukumbira mvumo yekushandisa nzvimbo yaraida kuitira musangano iyi kukanzuru yeMurehwa.

Hatina kukwanisa kubata Chief Superintendent Masvisvi kanawo mutauriri wemapurisa nyika yose, Assistant Commissioner Paul Nyathi, kuti tinzwe divi remapurisa panyaya iyi.

Asi Assistant Commissioner Nyathi vakaudza Studio 7 kuti zviri kune mukuru wemapurisa mudunhu rega rega kuti obvumidza here kana kurambidza kuitwa kwemisangano yezvematongerwo enyika mudunhu make.

Embed share

Hurukuro naVaRoderick Mapfeka

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:01:58 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player