Nhasi manheru muAmerica mune mutambo mukuru weNational Football League kana kuti NFL Super Bowl (Final) pakati peKansas Chiefs nePhiladephia Eagles. Mutambo uyu uri kutambirwa munhandare yeState Farm Stadium kuArizona.
Munhoroondo yemitambo muAmerica, matambo uyu wakakosha zvikuru sezvo hama neshamwari dzichiungana kuti dzione matambo uyu dziri pamwe chete.
Vamwe vanenge vachibheja sezvakaitwa nemuimbi Drake uyo akabheja mari inosvika mamiriyoni zviuru mazana manomwr kana kuti US$700, 000 kuti Chiefs ichakunda.
Muimbi ane mukurumbira, Rihanna ndiye achange achifadza vanhu panguva ichamboturwa befu nevatambi. Chimwe Chizvarwa che Zimbabwe chiri kuPennsylvania, VaNicholas Mada vanoti vari kutsigira chikwata chemunharauda mavo cheEagles.
Vanoti havo mudunhu iri makazara mapurisa kuti achengetedze runyararo sezvo pose panoita makwikwi akaai dzimwe nguva vanhu vanofarisa zvine nhoroondo vamwe vachizoguma vakuvara.
Facebook Forum