Pasi rose rabatana mukucherechedza zuva regomarara, kana kuti World Cancer Day, sangano reWorld Health Organization, WHO, richikurudzira kuti patorwe matanho ekupedza gomarara remazamu, kana kuti breast cancer, iro rinonzi ndiro gomarara rakanyanya kupararira uye riri kutungamira mundufu dzevanhukadzi.
Gore roga roga madzimai anodarika 2.3 million ari kuvhenekwa achiwanikwa aine chirwere ichi, uye vanoda kusvika kumazana manomwe ezviuru, kana kuti 700,000, vanofa nekuda kwechirwere ichi.
Gomarara remumazamu rinonzi rinonyanya kubata madzimai emunyika dzine mari shoma kana kuti dziri pakati nepakati.
Vakuru ve WHO vanoti madzimai ari munyika dzine hurombo hwakanyanyisa haanyanye kurarama kubva kudenda iri zvichienzaniswa nemadzimai emunyika dzakapfuma.
Facebook Forum