Accessibility links

Breaking News

Nhepfenyuro yeStudio 7 Inopemberera Kusvitsa Makore Makumi Maviri Kubva Zvayaparurwa


Studio 7 yasvitsa makore makumi maviri yaparurwa.
Studio 7 yasvitsa makore makumi maviri yaparurwa.

Nhepfenyuro yeStudio7 yasvitsa makore makumi maviri nhasi kubva zvayakaparurwa musi waNdira 27, 2003.

Nhepfenyuro ino yakatanga nechirongwa cheChirungu vashamarari vacho vari Ray Choto naNdimyake Mwakalyelye.

Vamwe vatori venhau vaivepo musi waparurwa chirongwa ichi ndiChinedu Offor, naJonathan Chiza vari muWashington DC. MuZimbabwe vatori venhau vaive Michael Kariati naStanley Karombo nevamwe.

Nekupindana kwenguva, vamwe vatori venhau vanoti mushakabvu Carol Gombakomba, Jonathan Chiza, mushakabvu Sandra Nyaira, Rashweat Mukundu, Blessing Zulu, Basildon Peta, Miriam Madziva nevamwe vakazopindawo.

Panguva iyi, chirongwa cheStudio7 chaitsigirwa nemari yaibva kubazi reAmerica rinopa rubatsiro pasi rose, reUnited States Agency for International Development kana kuti USAID.

Studio7 yakazoparurawo zvirongwa zveShona neNdebele musi 7 Kubvumbi 2003 vatori venhau vayo vari Praxedes Jeremiah, Rose Chidaushe, Champion Chigwedu, Brenda Moyo, Godwin Mangudya, mushakabvu Peter Banga, Njabulo Ncube nevamwe.

Pari zvino Studio7 yava nevatori venhau gumi nevaviri muWashington DC, uye vamwe vatori venhau makumi maviri vari Zimbabwe, vaviri muBotswana, uye mumwe chetemuSouth Africa.

Facebook Forum

XS
SM
MD
LG