Accessibility links

Breaking News

Nhengo dzeBato reCCC kuCanada Dzakunganidzawo Mari Yakashandiswa muKutengera Vanoshaya Zvekudya paNguva yeKisimusi


VaSimba Bako, sachigaro vebato reCCC kuCanada mudunhu reNorth America.
VaSimba Bako, sachigaro vebato reCCC kuCanada mudunhu reNorth America.

Nhengo dzebato rinopikisa reCitizens’ Coalition for Change dziri muCanada inove pasi pedunhu reNorth America, mwedzi uno dzakaunganidza mari inodarika zviuru zvishanu zvemadhora ekuAmerica yekubatsira mukuwanisa vakwegura pamwe nevanoshaya vari kumusha kuZimbabwe zvekudya munguva ino yeKisimusi.

Vakafanobata chigaro chasachigaro webato iri mudunhu reCanada, VaSimba Bako, vanoti pakuunganidza mari iyi vakashandisa nzira mbiri dzinoti kukumbira kunhengo dzavo, pamwe nekuita mabiko ekudya vanhu vachibhadhara mari.

Mari iyi inonzi yakasanganiswa neyakaunganidzwawo nemamwe matunhu ebato iri kusanganisira mabiko ekuunganidza mari aitungamirwa nemutungamiri webato iri VaNelson Chamisa eChristmas Cheer Fund akaitirwa muHarare.

Vamwe vevakagoverwa zvekudya nezvekushandisa vanosanganisira mhuri yenhengo yemumiriri weZengeza West, VaJob Sikhala, avo vari muhusungwa kuChukurubi Maximum Prison, pamwe nenhengo dzebato iri gumi nenhanhatu dzekuNyatsime dzakaburitswa muhusungwa nguva pfupi yapfuura mushure mekunge dzagara muhusungwa kwenguva ndefu.

VaBako vanoti nekuda kwekubudirira kwakaita chirongwa chavo ichi, chichave chinhu chavachange vachiiita gore negore, uye vanokurudzira zvimwe zvizvara zveZimbabwe zviri kunze kuti zvibatane navo mukuunganidza mari yekubatsira vari kumusha.

Hurukuro naVaSimba Bako
please wait
Embed

No media source currently available

0:00 0:05:08 0:00
Pekupinda Napo Kuti Muone Zvamuri Kuda

Facebook Forum

XS
SM
MD
LG