VaVolodymyr Zelenskyy Votaura Pamberi peDare reCongress muAmerica, Russia Ichiti Kuda Kuisvokosva

Mutungamiri wenyika yeUkraine vaVolodymyr Zelenskyy nezuro vakataura pamberi pedare reparamende reCongress muAmerica mushure mekuita musangano nemutungamiri wenyika iyi VaJoe Biden.

VaZelenskyy vari kukumbira America kuti irambe ichibatsira nyika yavo nezvombo nemari muhondo yavo neRussia yakatanga muna Kukadzi.

VaZelenskyy vakaita musangano naVaBiden kuWhite House muchiitiko chiri kuonekwa senzira yekuzivisa mutungamiri weRussia VaVladimir Putin kuti America icharamba ichitsigira Ukraine zvakasimba muhondo iyi.

VaBiden vakati kunyangwe hazvo VaPutin vari kubhomba magwenya emagetsi munguva yechando vanhu vachitonhorwa muUkraine, vanhu vemunyika iyi vari kuramba vakamira semusambangwena.

America yakabva yazivisa VaZelenskyy vachangosvika kuti iri kupa nyika iyi mari inodarika bhiriyoni imwe chete yekuzvidzivirira kusanganisira zvombo zvinonzi zvekuzvichengetedza nemuchadenga kana kuti Patriot Defense System.

Russia inoti kupa Ukraine zvombo izvi kuda kuisvokosva.

Nyanzvi munyaya dzezvematongerwo enyika muzvinafundo Chipo Dendere vanoti kushanya kwaVaZelenskyy kwakakosha sezvo zvizvarwa zveAmerica zvichida kunyatsonzwa kubva kuna mbune kuti rubatsiro rwuru kupihwa nyika iyi nenyika yavo rwuri kushandiswa seyi.

Embed share

Hurukuro naMuzvinafundo Chipo Dendere

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:29 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player