Mutongi wedare ramejastiriti muHarare VaStanford Mambanje nezuro vkaapa chirango chavasendeka parutivi kunhengo dzekereke yeMirirai Jehovha Apostolic Church dzakabatwa nemhosva yekuratidzira zvisiri pautemo muHarare.
Anotungamira kereke iyi ari zvekare mutungamiri webato rinopikisa reZimbabwe Transformative Party kana kuti ZTP ndiBishop Kanyenzura Parere.
Gweta renhengo dzekereke iyi, VaEvans Moyo vanoshanda nesangano remagweta anorwira kodzero dzevanhu reZimbabwe Lawyers for Human Rights vaudza Studio 7 kuti, “Vapihwa charango chiri suspended che 3 months on condition yekuti pamakore mashanu anotevera havange vachibatwa nemhosva inosanganisira criminal nuisance. Vazopihwa zvekare imwe one-month yasendekwa parutivi yekuti vanobhadhara fine yeZWD12, 000 by 28 December 2022.”
VaPerere nevamwe vavo vakasungwa musi wa9 Chikunguru dzikapomerwa mhosva yekutyora mutemo wekuita musarinya muchikamiu chesection 46 of the Criminal Law (Codification and Reform) Act. Vanonzi vaifamba vachiimba muHarare kuti, "Emmanuel tisunungureiwo tanzwa nenhamo"
Asi VaMoyo vati vachapikisa mutongo wapihwa nedare uyu. VaMambanje vanoti vakagutsikana nehuchapupu hwakapihwa.
Nhengo dzakabatwa nemhosva idzi dzinosanganisirawo mutevedzeri wemutungamiri webato reZTP VaSimon Goshomi, sachigaro VaRichard Mhurushoma, mutevedzeri wasachigaro VaFortune Chapeyama, munyori mukuru VaPrince Mukozho nevamwe vanosanganisira Solomon Duwa, Shongai Mushinje, Noah Dabvu, Jasper Muringanidza, Honoured Mutangadura, Sherperd Mutsonhi, Edson Shonhiwa, Chaora Rovesai, Tafadzwa Musere, Tsverukai Harava, Shamiso Majecha, Runia Musere, Margret Chibwana, Sakile Nkomo, Helen Kuudzewe, Liah Munakandafa, Victoria Changadzo, Restar Kunyenzura, Emmanuel Musere, Godfrey Mashava, Givemore Bandera, Pangai Kurehwatira, Edward Mhindu, Leon Mukopfa, Pride Charedzera, Irvin Musenze, Jefta Takaedza, Thomas Zengeya na Felix Zengeya.
Facebook Forum