Asamoah Gyan Ndiye Shasha yeKurova Mambure muAfrica Munhoroondo yeWorld Cup

Mutambi weGhana kana kuti Black Stars, Asamoah Gyan ndiye mutambi wemuAfrica akanwisa zvibodzwa zvakawandisa kudarika vamwe vatambi vose munhoroondo yemakwikwi eWorld Cup.

Gyan akanwisa zvibodzwa zvitanhatu kumakwikwi aya. Munhoroondo yeGhana, Gyan ndiye akanwisawo zvibodzwa zvakawanda zvinova makumi mashanu nechimwe.

Mutambio uyu akaberekwa kuGhana muna 1985 uye ari kutambira chikwata cheLegon Cities FC kuGhana.

Akatambira Ghana muWorld Cup yakaitwa 2006, 2010 na2014. Aakatanga kutambira maBlack Stars aine makore gumi nemanomwe. Zvibodzwa zcake kuWorld Cup akanwisa muna 2010 pamutambo neSerbia, Australia, United States. Muna 2014 kuWorld Cup akanwisa pamutambo neUnited States of America, akanwosawo chimwe chibodzwa pamutambo neGermany achibva aenzana naRoger Milla wekuCameroon pakugohwesa zvibodzwa zvishanu kuWorld Cup.

Akazonwisa chibodzwa chechitanhatu pamutambo nePortugal chakamupinza munhoroondo pakunwisa zvibodzwa muAfrica.

Pane shasha dzekurova mambure kuWorld Cup kubva kuAfrica”

Asamoah Gyan 6 (Ghana)

Roger Milla 5 (Cameroon)

Samuel Eto’0 3 (Cameroon)

Papa Diop 3 (Senegal)