Muchirongwa chedu chatinotarisa zviri kuitwa nevana veZimbabwe vari kunze kwenyika, svondo rino tine hurukuro naVaInnocent Ndenda vari mudunhu reTexas muAmerica asi vachibva kuHwedza mudunhu reMashonaland East.
VaNdenda, avo vakaenda kuAmerica muna 2016, vanoti kunyange hazvo vachishanda samaneja pane imwe kambani kwakare kuTexas, vakaramba vachienderera mberi nemabasa avo avaiita vachiri kumusha, ekubatsira vanoshaya pamwe nekusimudzira nharaunda yavanobva.
Pari zvino vanoti vari kushanda nemasangano matatu anoti reMubatirapamwe Trust, iro rinobatsira vanenge vachishandisa zvinodhaka, reMakoni North District Association, rakanangana nenyaya dzebudiriro, pamwe nereGlobal Exchange Program, iro rinobatanidza vanhu vanobva kunyika dzakasiyanasiyana.
VaNdenda vanoti shuviro yavo ndeyekuona vana veZimbabwe vachiisa misoro pamwe vosiyana nehumbimbindoga, vachiti chose chinezwi rekuti kubatana chinobudirira.
Vanoti ivowo vane shuviro yekuti vange vachizorangarirwawo mune remangwana semunhu akabatsira mukushanda nevamwe kubatanidza vanhu kuti vavandudze magariro avo.
Facebook Forum