Chizvarwa cheZimbabwe, Dr. Nzuzu, Vobatsira Vane Dambudziko reZvinodhaka Vari muAmerica

Chimwe chizvarwa cheZimbabwe chiri kuJacksonville mudunhu reFlorida muAmerica, Doctor Emmanuel Nzuzu, vari kubatsira zvakanyanya vanhu vane matambudziko ekutadza kusiya zvinodhaka zvinosanganisira doro.

Doctor Nzuzu vave nemakore anodarika gumi nemanomwe vachiita basa rekudzidzisa vane matambudziko ezvinodhaka kuburikidza nekushanda muzvipatara zvakasiyanasiyana pamwe kuvhurawo dandemutande ravo https://www.howtostaysober.info apo vanhu vanogona kuenda vachiwana zvidzidzo zvekuti vakwanise kusiya zvinodhaka.

Kuburikidza nehunyanvzi hwavo uhwu, Doctor Nzuzu, avo vakaberekerwa kuChipinge vakazoenda kuAmerica muna 2003, vakanyorawo bhuku ravo rakanangana nekubatsira vanenge vaine matambudziko aya, rinonzi “How to Stay Sober”.

Kunze kwekubatsira vanoe dambudziko rekutadza kusiya zvinodhakwa, vanobatsirawo zvakare vana veZimbabwe vari muAmerica vanoda kutenga kana kutengesa dzimba.

Kumusha, Doctor Nzuzu vanoti vari kubatsirawo vana vane chitsama vavari kubhadharira mari dzechikoro, vachiti vamwe vavena ava vatove kuzvikoro zvepamusorosoro.

Embed share

DIASPORA PROFILE-NZUZU-SHO-JONGA 22 JUNE 2022 (FINAL).wav

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:54 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player