Vatsigiri veDynamos vari mukuchema mushure mekunge chikwata chavo chatadza kushandisa mukana wekuenda pamusoro pegungano yeCastle Lager Premier Soccer League.
Dynamos yanga ichida kukunda Herentals kuti iende pamusoro ndokuita mangange 0-0 muNational Sports Stadium nhasi masikati.
Murairidzi wechikwata ichi, Tonderai Ndiraya ange ambomiswa basa akazodzorwa haana kukwanisa kubatsira chikwata chake kukunda mumutambo wange wakakosha uyu.
Ndiraya anoti haana kufara nematambiro echikwata chake kunyanya mupfungwa dzavo. Asi murairidzi weHerentals Kumbirai Mutiwekuziva anoti poindi yavawana yakakosha
Dynamos irikuramba iri pachinhanho chechipiri nemapoinzi makumi matatu nerimwechete , poindi imwechete pasi peChicken Inn iyo yakatamba nezuro.
Dynamos neChicken Inn dzakasonwa ne FC Platinum iyo iri pachinhanho chechitatu nemapoinzi makumi maviri nemasere yakaenzana neTriangle iyo iri pachinzvimbo chechina.
Chimwe chikwata chiri kutarikawo iCaps United yarohwa 2-0 neBulawayo Chiefs. Vatambi veDynamos neCaps United havasi kunyatsofara nemari dzavari kutambiriswa.
Tenax yarovawo Cranbourne Bullets 1-0.
Kwapera mitambo yesvondo rino, zvikwata zvina zviri pasi pasi ndeizvi…
ZPC Kariba. 14 points
Tenax. 14 points
Bulawayo City. 11 points
Facebook Forum