Accessibility links

Breaking News

MDC-T Inotungamirirwa naVaMwonzora Yozivisa Kuti Ichaita Kongiresi Yayo Muna Chikumi weGore Rino


Mutungamiri weMDC-T, VaDouglas Mwonzora
Mutungamiri weMDC-T, VaDouglas Mwonzora

Mutungamiri weMDC-T, VaDouglas Mwonzora, vakazivisa neChipiri kuti bato ravo richaita musangano waro mukuru weOrdinary Congress mukupera kwemwedzi unouya waChikumi.

Mutauriri weMDC-T, VaWitness Dube, vatsinhira mashoko aya vachiti musangano uyu uchapindwa nehutungamiriri hwebato hunodarika zviuru zvina hunobva kumatunhu ose uye ndipo pachasarudzwa hutungamiri hwepamusoro hwebato, vachiti zvgar zvichakwikwidzwa zvinosanganisira chemutungamiri webato.

VaDube vanoti musangano mukuru uyu waifanirwa kunge wakaitwa muna Kurume wegore rino asi wakazosendekwa kuitira kupa mukana wekuti vapinde musarudzo dzema by-election dzakaitwa musi wa 26 Kurume.

VaMwonzora vakasarudzwa kuve mutungamiri weMDC-T pamusangano we Extra-ordinary Congress muna Zvita 2020 vachikunda Muzvare Thokozani Khupe avo vakabuda mumusangano uyu vachinyunyuta kuti VaMwonzora vakanga vabiridzira sarudzo idzi.

Hurukuro naVaWitness Dube
please wait

No media source currently available

0:00 0:04:32 0:00
Pekupinda Napo Kuti Muone Zvamuri Kuda

Facebook Forum

XS
SM
MD
LG