Musangano weNJNC Wakaitwa neChishanu Wakatadza Kubuda neChisungo paVarairidzi Vakambomiswa Mabasa

Vamiriri vevashandi vehurumende pamwe nevamiriri vehurumende vakasangana neChishanu muHarare kuti vazeye nhau dzemihoro yevashandi pasi pegungano reNational Joint Negotiating Council, asi zvinonzi havana kukwanisa kuzonyorerana pasi chibvumirano chezvakasungwa mumusangano uyu.

Munyori mukuru wesangano rinomirira vashandi vehurumende munhaurirano dzeNJNC, reZimbabwe Confederation of Public Sector Trade Unions, VaDavid Dzatsunga, vanoti musangano uyu wakajekesa zvakawanda zvinosanganisira nyaya yekuti madhora zana remadhora ekuAmerica ichapiwa vashandi haisi kuzobva pamari yavo yemihoro yemari yemunyika, iyo ichawedzerwawo nezvikamu makumi maviri kubva muzana.

VaDzatunga vanoti vamiriri vevashandi vakaramba kusaina chibvumirano chezvakasungwa mumusangano uyu vachida kuti hurumende itange yaturunura mashoko ayo ekuti yakanga yadzinga varairidzi vasiri kuenda kumabasa, izvo zvinonzi vamiriri vevashandi vakati vaingoda kuti zvive zvepamuromo chete pasina kunyorerana pasi.

Izvi zvinonzi zvakazoita kuti mapoka maviri aya aite aziva kwake aziva kwake.

Studio 7 yakundikana kunzwa divi rehurumende panyaya iyi.

Embed share

Hurukuro naVaDavid Dzatsunga

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:11 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player