Mugovera, Gunyana 05, 2015 Local time: 12:19

Nhau / Africa

VaMadzore Vanotambirwa seGamba neMDC

MDC youth leader Solomon MadzoreMDC youth leader Solomon Madzore
x
MDC youth leader Solomon Madzore
MDC youth leader Solomon Madzore
Thomas Chiripasi
Bhizinesi rambomiswa muguta reHarare apo vatsigiri veMDC inotungamirwa naVaMorgan Tsvangirai vanga vachipembera mumigwagwa vaine dzimotakari dzanga dzichitevera motokari yanga yakatakura mutungamiri weboka revechidiki mubato iri, Va Solomon Madzore, avo vaburitswa mutirongo neChitatu.

VaMadzore  vaburitswa pamwe nemumwe wavo Va Lovemore Taruvinga Magaya zvichitevera kubvisirwa kwavaita mari yechibatiso yakatarwa nedare neChipiri.

Paita besanwa rakawomarara paChikurubi pabuditswa vaviri ava  mushure mekugara mujeri kwenguva inodarika gore vachipomerwa mhosva yekuponda mumwe mupurisa, Inspector Petros Mutedza gore rapera. Vatsigiri veMDC vaimba zvakawomarara ndokumhanya kwechinhambwe vakatakura Va Madzore.

Pazoita mudungwe wemotokari kubva kuChikurubi kupinda mudhorobha dzange dzine vanhu vanga vachiimba vachiridza mabhero uye motokari idzi.

Mudungwe wemotokari idzi wafamba nemuna Samora Machel ndokupinda muna Leopold Takawira ndokuzokona na Nelson Mandela uye vanhu vanga vachidongorera nepamahwindo vamwe vachitevera motokari idzi kudzamara dzasvika pamuzinda weMDC paHarvest House apo VaMadzore vatambirwa nemhomho yevanhu.

VaMadzore, avo vari kudaidzwa nevatsigiri vavo nezita remadunhurirwa rekuti “Mandela”, vati kugara kwavakaita mujeri kwenguva inodarika gore kwavapa simba rekuwona kuti Va Mugabe nebato ravo re Zanu PF vabviswa pachigaro musarudzo dzichaitwa munyika.

VaMadzore vati basa ravakatarisana naro iguru kwazvo, uye vakurudzira vamwe vavo vasunge dzisimbe panyaya yekurwira shanduko.

Murongi wemisangano muMDC-T, VaNelson Chamisa, vati nyika zhinji dzakasununguka kubudikidza nekunge vatungamiri vazhinji vambopinda mujeri sezvakaita VaMadzore. Nokudaro, vati bato ravo rinovimba kuti rakutozobata matomhu pachaitwa sarudzo dzegore rinouya.

VaChamisa vatiwo bato ravo rinozviziva kuti VaMadzore nevamwe vavo havana mhosva yavakapara uye vari kushungurudzwa zvine chekuita nezvematongerwo enyika.

Kubuditswa kwaitwa VaMadzore naVaMagaya kunowunza vanhu vakapihwa mukana wekubhadhara mari yechibatiso pamhosva yavari kupomerwa yekuponda VaMutedza pavanhu vatatu uye kwasara vanhu makumi maviri nevatanhatu vachiri mujeri nepamusana penyaya iyi. Kune vamwewo vaviri vakazosungwa gore rino mushure mekunge VaMadzore nevamwe vavo vasungwa gore rapera.

VaMadzore naVaMagaya vakapihwa mukana wekubvisa madhora mazana mashanu pamunhu neChipiri semari yechibatiso, asi vashandi kumahofisi edare vakaramba kutambira mari iyi vachiti nguva yavo yekuita basa yakanga yakwana.

Kutongwa kwenyaya iyi kwakatarisirwa kuenderera mberi neChishanu apo magweta evasungwa pamwe nevachuchisi venyaya iyi vakatarisirwa kuudza dare kuti vari kufungei nenyaya yekuti vasara mujeri ava vobuditswa here kana kuti kwete.

Mutongi wenyaya iyi, Va Chinembiri Bhunu, vakaudza magweta kuti azeye nyaya iyi ari ega ozoudza dare ravo zvavanenge vawirirana neChishanu.

You May Like

VaGari vemuBulawayo Voratidzira neNyaya yemaMita eMvura

Vagari vemuBulawayo vanosvika zviuru zvishanu vakaratidzira mumigwagwa yeguta iri neChishanu vachishora kanzura yavo iri nekuda kuisa mapre-paid water meters mudzimba dzavo. Onai zvimwe

Hurumende Yoverenga Misoro yeVarairidzi neVana veChikoro

Hurumende yakazivisa kuti ichange ichiverenga varairidzi pamwe nevana vechikoro muzvikoro zviri mumisha yeMbare neHatfiled, mudunhu reHarare kubva musi weChipiri Gunyaya 8, unove musi uchavhurwa zvikoro Onai zvimwe

VaTsigiri VeZimbabwe "Wariors" Votarisira Kuti Ichakunda Guinea muMutambo weAfrican Nations Cup

Vatsigiri venhabvu muZimbabwe havasi kutarisira chimwe chinhu kunze kwekukunda apo chikwata chavo chirikupinda munhandare nesvondo mumutambo wavo we2017 Africa Cup of Nations neGuinea. Onai zvimwe

Vachena nemaKaradhi Vonetseka Zvinotyisa muZimbabwe

Apo zvinhu zviri kuramba zvichioma munyaya dzehupfimi munyika, nhamo yave kurova vanhu vemarudzi ese munyika kusanganisira varungu nevemamwe marudzi avo vaionekwa nevanhu vasingabatwe nenhamo. Onai zvimwe

Vhidhiyo Live Talk

Zimbabweans living outside the country who cannot receive our broadcast signals can now listen to and participate in LiveTalk in real time (8:30-9:00 p.m. Zimbabwe time) (1830-1900 UTC) (Monday-Friday) and call our studio directly at 1-202-619-2077 to participate. Onai zvimwe
Live Talk

Live Talk

Zimbabweans living outside the country who cannot receive our broadcast signals can now listen to and participate in LiveTalk in real time. Click on the link below to listen to the LiveTalk program in progress (8:30-9:00 p.m. Zimbabwe time (1830-1900 UTC) Monday-Friday) and call our studio directly at 1-202-619-2077 to participate. Schedule: Monday-Friday Local Time: 8:30-9:00 p.m. UTC Time: 1830-1900 Duration: Weekdays: 30 minutes
Indaba zesiNdebele

Indaba zesiNdebele

Ndebele 1800-1830 Monday-Friday

This forum has been closed.
Comments
     
There are no comments in this forum. Be first and add one

Facebook