Bato reMDC Renewal Team rinoti neChina riri kukwira kudare repamusoro soro reConstitutional Court richipikisa mutongo wemutauriri wedare reparamende wekuti vadzingwe mudare reparamende.
Mutauriri wedare reparamende VaJacob Mudenda vakadzinga nhengo makumi maviri neimwe dzeMDC Renewal Team mudare vachiti dzainge dzaumba bato radzo. Izvi zvinotevera tsamba yainge yanyorwa neMDC-T yekuti vainge vasisiri nhengo dzebato ravo.
Vakadzingwa vanosanganisa VaTendai Biti (Harare East Constituency), VaWillias Madzimure (Kambuzuma), VaPaul Madzore (Glen View South), VaSolomon Madzore (Dzivarasekwa), Amai Lucia Matibenga (Kuwadzana West), VaSamuel Sipepa Nkomo (Lobengula), VaReggie Moyo (Luveve), Amai Evelyn Masaiti, VaBekithemba Nyathi (Mpopoma/Pelandaba), VaMoses Manyengavana (Highfield West), VaAlbert Mhlanga (Pumula), Amai Roseline Nkomo (Tsholotsho North), VaSettlement Chikwinya (Mbizo), Amai Judith Muzhavazhe and VaGorden Moyo (Makokoba).
Maseneta akadzingwa ndi amai Sekai Holland (Chizhanje), Rorana Muchihwa (Chikomo) and Watchy Sibanda (Matabelaland South).
