Monday, May 20, 2013 Local time: 07:31
Audio menu
Audio Nhau dzeShona 1700
Audio Studio 7 for Zimbabwe
Audio Indaba

Nhau / Africa

Zimbabwe Yokurudzirwa Kusimudzira Mitauro Midiki

Map of ZimbabweMap of Zimbabwe
x
Map of Zimbabwe
Map of Zimbabwe
TEXT SIZE - +
Mark P. Nthambe

21.11.2012

HARARE — Mitauro yechivanhu, zvikuru mitauro yemarudzi madiki, inofanirwa kuchengetedzwa kuitira kuti mitauro iyi isaparare. Mashoko aya akabuda pamusangano wakaitwa neChipiri muHarare. 

Vachitaura pamusangano wakarongwa nebazi rezvekudyidzana neveruzhinji pamuzinda weAmerica muZimbabwe, nyanzvi mururimi rweShona, uye vari mukuru wepepanhau repaindaneti re Chiringiro, Doctor Charlton Tsodzo, vakati mitauro yechivanhu inogona kuparara kana ikasasimudzirwa nenzira yakakwana.

VaTsodzo, avo vanova hama yemunyori ane mukurumbira munyika, VaThompson Tsodzo, vakati zviri kuitika pasi rose zvinoratidza kuti mimwe mitauro inogona kuparara ikasachengetedzwa zvine hudzamu.

VaTsodzo vakati chinosuwisa ndechekuti vanhu vakawanda vave kutarisira pasi mitauro yavo sezvo zvese zvavanoita vave kuzviita nenzira irinyore nemutauro weChirungu.

Vakatiwo izvi zvinoita kuti mutauro uparare zvichibva zvakonzerawo kuparara kwetsika nemagariro evanhu. Vakati kuti izvi zvisaitike, panodiwa matanho anotorwa okukuridzira mitauro pachitevedzerwa nzira yakaita sokuita mabhizimusi nemitauro iyoyi.

Vakatiwo mabasa akaita seiwaya ave kutoitwa nemakambani anosanganisira Microsoft.

Mumwe wevakapinda musangano uyu, Rudombo Tenga, akakuridzirawo vechidiki kuti vasarasike gwara nenyaya yokutevedzera chirungu uye vasanyare kutaura nemitauro yavo.

VaTsodzo vane sangano reMaendeleo iro rinoshanda nemapazi ehurumende mukunyora magwaro ehurumende kubva muChirungu vachiaisa mururimi rweShona.

Zimbabwe iri mukati mekugadzira bumbiro idzva remitemo yenyika, asi pane
kusawirirana mumapato ezvematongerwo enyika pakuti mitauro yechivanhu yemarudzi madiki kuti inge ichishandiswawo semitauro zviri pamutemo.

This forum has been closed.
Comments
     
There are no comments in this forum. Be first and add one

Studio 7

Chirongwa

Facebook

 

Most Popular