Tuesday, May 21, 2013 Local time: 17:24
Audio menu
Audio Nhau dzeShona 1700
Audio Studio 7 for Zimbabwe
Audio Indaba

Nhau / Africa

VaKasukuwere Vanoti Mitemo yeHupfumi Haisi yeKuvenga Varungu

VaSavior KasukuwereVaSavior Kasukuwere
x
VaSavior Kasukuwere
VaSavior Kasukuwere
TEXT SIZE - +
Obert Pepukai

13.12.2012

MASVINGO — Gurukota rezvevechidiki nekuendesa hupfumi kuvatema rinoti mitemo yekupa hupfumi kuvatema haisi yekuvenga vachena vari munyika asi kuti ndeyekuti vatema nevachena vave nemikana yakaenzana munyaya dzehupfumi.

Vachivhura musangano wevechidiki vari mumabhizimusi nevanoda kuita mabhizimusi kuMasvingo neChina, VaSavior Kasukuwere vati  mitemo yekupa vatema hupfumi iripo pakugadzirisa musiyano uripo pakati pevarungu nevatema.

Pasi pemitemo yekupa hupfumi kuvatema makambani ose ekunze anofanira kupa zvikamu makumi mashanu nechimwe kubva muzana kuvatema vemunyika.

VaKasukuwere vati ivo pachavo havavengi vachena  nokuda kweganda ravo asi kuti zvavasingafariri kutorwa kwakaitwa hupfumi  hwenyika nevachena.

Vatiwo vasati vabuda muhurumende, vachatsvaka mushandi wechirungu anovabikira kana anoshanda mugadheni ravo.

VaKasukuwere vabvuma ivo kuti chirongwa chavo chekupa hupfumi kuvatema chine zvakakanganiswa zvakawanda, asi izvi hazvivadzoseri shure pakuona kuti vatema vatora hupfumi hwavo.

VaKasukuwere vashoropodzawo  gurukota rezvemari, VaTendai Biti, vachiti vari kuisa zvirango kune vechidiki munyika nokusavapa mari dzezvirongwa zvakasiyana siyana.

Vakurudzirawoo vechidiki vakwawana zvikwereti kubva kubazi ravo kuti vadzosere zvikwereti izvi.

Vachitaurawo pagungano rimwe chetero, gavhuna weMasvingo, Va Titus Maluleke, vati chirongwa chekupa hupfumi kuvatema chicharamba chakatarisana nematambudziko nekuda kwevamwe vanhu vanokurudzira vechidiki kuti vasiyane nacho.

Musangano wemazuva matatu uyu wapindwa nevanhu vashoma, uye wange wakarongwa ne sangano re Youth Initiators Association of Zimbabwe.

Studio 7

Chirongwa

Facebook

 

Most Popular