Sunday, May 19, 2013 Local time: 08:21
Audio menu
Audio Nhau dzeShona 1700
Audio Studio 7 for Zimbabwe
Audio Indaba

Nhau / Matongerwo eNyika

Bumbiro Roenda kuAll Stake Holders Conference Paine Kunetsana

VaZuma naVaMugabeVaZuma naVaMugabe
x
VaZuma naVaMugabe
VaZuma naVaMugabe
TEXT SIZE - +
Irwin Chifera, Blessing Zulu

13.09.2012

WASHINGTON — Gwaro rekutanga rebumbiro remitemo kana kuti  COPAC Draft Constitution, rave kutarisirwa kuti richiende ku All Stake Holders Conference yechipiri kunyange hazvo pachine kunetsana kwakanyanya pakati pemapato ari muhurumende yemubatanidzwa.

Dare repamusoro soro reZanu-PF rakasangana neChitatu rikatanderana kuti bumbiro richienda kuAll Stake Holders Conference kunyange hazvo bato iri riri kuti rinoda kuti gwaro rezvakabva muvanhu, kana kuti National Report, riendeswe pamwe negwaro rebumbiro iri.
 
Asi mapato eMDC anoti uku kuda kutyora chibvumirano cheGlobal Political Agreement.

Mashoko eZanu-PF aya anoouya mushure mekunge  vatungamiri veSADC vabuda pachena zvekare svondo rino kuti vave kuneta nenyaya yebumbiro isiri kupera.

Munyori weSADC, VaTomaz Salomao, vaudza Studio 7 kuti vakatoudza VaZuma kuti vape SADC Troika gwaro rezviri kuitika vobva vaita musangano kuTanzania kutanga kwaGumiguru. 

Mutungamiri weTanzania, VaJakaya Kikwete, ndivo sachigaro weSADC Troika. SADC inoti inoda kuti referendamu iitwe muna Gumiguru sarudzo dzozoitwa pakati pegore rinouya. Mapato maviri eMDC akatozivisa kuti anoda kuti SADC ipindire asi Zanu-PF iri kutsika madziro.

Mutauriri weZanu-PF, VaRugare Gumbo, vanoti MDC inofanirwa kutambira kuti gwaro reNational Report, rinofanirwa kuzeyiwa pamusangano mukuru uchaitwa pasati paendwa kureferendamu.

Mutauriri weMDC-T, VaDouglas Mwonzora, vanoti bato ravo rinoda kutevedza zvinenge zvakawiriranwa.

Hurukuro naVaRugare Gumbo
Loading
12:00:00 / -:--:--
⎚

Hurukuro naVaDouglas Mwonzora
Loading
12:00:00 / -:--:--
⎚

Studio 7

Chirongwa

Facebook

 

Most Popular