Wednesday, October 22, 2014 Local time: 12:12

Nhau / Africa

Mapato neVeruzhinji Vozeya Zviri Mugwaro reBumbiro Idzva

x
Thomas Chiripasi
Rimwe remasangano anoshanda akazvimirira re Crisis in Zimbabwe Coalition rakaparura neChitatu manheru chirongwa chekutsanangurira veruzhinji zviri mugwaro rebumbiro idzva remitemo yenyika kubudikidza nekuita musangano neveruzhinji vachizeya nyaya iyi nevemapato ezvematongerwo enyika.

Vachitaura pamusangano uyu, uyo wakaitirwa pane imwe hotera muHarare, vamiriri vemapato matatu ari muhurumende yemubatanidzwa vakakurudzira veruzhinji kuti vatsigire gwaro rebumbiro iri kunyange hazvo vakapa zvikonzero zvakasiyana.

Mutauriri weMDC huru uye vari mumwe wemasachigaro ekomiti yeparamende yakatungamira kunyorwa kwegwaro rebumbiro iri, yeCOPAC, VaDouglas Mwonzora, vakati  veruzhinji vanofanira kutsigira bumbiro iri nepamusana pekuti mutungamiri wenyika achange ava nenguva yakatarwa kuti akange ari pachigaro nezvimwe zvakadaro.

Nyaya yekuzvitonga kwematunhu, devolution, yakatsigirwawo nevanowona nezvekurongwa kwemisangano muMDC inotungamirwa naMuzvinafundo Welshman Ncube, Va Qubani Moyo, avo vakatiwo Zimbabwe haifanirwe kurasikirwa nemukana wekutambira bumbiro idzva iri sezvakaitika muna 2000.

Vakataura vakamirira Zanu PF, VaPsychology Mazivisa, vakatiwo bumbiro iri rinofanirwa kuvhoterwa nekuti rinodzosa masimba mazhinji kumutungamiri wenyika.

Asi mutungamiri we MDC99, VaJob Sikhala, vari kukurudzira kuti veruzhinji varambe gwaro iri pareferendamu yakatarisirwa kuitwa musi wa 16 Kurume. VaSikhala vakaudza musangano uyu kuti havasi kufara nekuti hurumende ichange yakura zvikuru kana gwaro rebumbiro iri rikatambirwa pareferendamu.

Izvi zvakatsigirwawo nemutungamiri wesangano re International Socialist Organization muZimbabwe, VaMunyaradzi Gwisai, avo vakatiwo bumbiro idzva iri rinopa masimba kuvakuru vezvematongerwo enyika. Vakatiwo bumbiro idzva iri rinochengetedza zvido zvevakuru zvekuti vawane mabasa nekupinda muparamende pamwe nekutora zvimwe zvigaro zvepamusoro veruzhinji vachiyaura nenhamo.

Vakataura vakamirira sangano rinorwira bumbiro idzva remitemo yenyika rinobva muvanhu re National Constitutional Assembly, Va Clever Bere, vakatiwo nzira yakashandiswa mukunyora gwaro iri handiyo uye vanoti sangano ravo harisi kufara nezviri mugwaro iri pamwe nenguva yakapihwa veruzhinji kuti varizeye.

Mutungamiri weMavambo Kusile Dawn, VaSimba Makoni, vanoti bato ravo harisati ratora danho rekuti rotsigira here gwaro rebumbiro iri kana kuti kwete vachiti izvi zvichaitwa mumazuva mashoma ari kutevera.

VaMakoni, avo vakatsigirwa musarudzo yemutungamiri neMDC yaitungamirwa naVaArthur Mutambara isati yapatsanuka, vakaudzawo musangano uyu kuti kuipa kana kunaka kwebumbiro remitemo yenyika, vanenge vari pazvigaro vanofanira kuritevedzera zvizere.

Sangano reCrisis Coalition in Zimbabwe, iro rakaronga musangano uyu, uyo wakapindwa nevanhu vanosvika mazana maviri, rinoti richafamba munzvimbo dzakawanda munyika richipa vanhu mikana yekuti vawonesane nezviri mugwaro rebumbiro iri.

You May Like

VaDzamara Vanoratidzira muAfrica Unity Square

Mupepeti webepanhau re The News Leader, Va Itai Dzamara, nevamwe vari kuvatsigira vatanga neChipiri kugara pa Africa Unity Square mu Harare vakamirira mhinduro kubva kumutungamiri wenyika, Va Robert Mugabe, avo vavari kuda kuti vasiye basa. Onai zvimwe

Vana Chiremba Voramwa Mabasa Kutanga neMuvhuro

Sangano reZimbabwe Hospital Doctors Association rinoti kutanga neMuvhuro vana chiremba muzvipatara zvose zvehurumende vachatanga kuramwa mabasa sezvo nhaurirano nehurumende panyaya yemari yemihoro nemashandiro avo dzakundikana zvachose. Onai zvimwe

Vari Kuda Zvigaro muMDC T Vobvumidzwa Kutsvaga Rutsigiro

Bato reMDC T rinoti ravhururira mukana vari kuda kukwikwidza musarudzo dzichaitwa pakongiresi yebato iyi mukupera kwemwedzi uno, kuti vachitanga kutsvaga rutsigiro Onai zvimwe

Vhidhiyo VOA60 Africa

VOA60 Africa is a one-minute wrap of the past 24 hours' news and video from the African continent. It includes politics, weather, arts, culture and the extraordinary events that lead the headlines. Share and be informed - VOA60. Onai zvimwe
LiveTalk

LiveTalk

Zimbabweans living outside the country who cannot receive our broadcast signals can now listen to and participate in LiveTalk in real time. Click on the link below to listen to the LiveTalk program in progress (8:30-9:00 p.m. Zimbabwe time (1830-1900 UTC) Monday-Friday) and call our studio directly at 1-202-619-2077 to participate.

Schedule:

Monday-Friday

Local Time: 8:30-9:00 p.m.

UTC Time: 1830-1900

Duration: Weekdays: 30 minutes

 

Ndebele

Ndebele

Ndebele 1800-1830 Monday-Friday
Studio 7

Studio 7

Studio 7 for Zimbabwe provides comprehensive and reliable radio news seven days a week on AM, shortwave and satellite
 

Schedule: Monday-Friday, 7:00-9:00 p.m., Saturday-Sunday, 7:00-8:00 p.m., on Intelsat 10 repeats M-F 9-11 p.m.

Local Time: 7-9 p.m.

UTC Time: 1700-1900

Duration: Weekdays: 2 hours; Weekends: 1 hour

Listen: MP3

Nhau dzeShona

Nhau dzeShona

Nguva yeChirongwa Muvhuro-Chishanu

Nguva dzeChinomwe Manheru 19:00

UTC Time: 1700

Nguva yeChirongwa 30

Tererai МР3 | Windows Media


Facebook