WASHINGTON DC —
Kwaitika mhirizhonga inotyisa mumusha weBudiriro 2 muHarare mushure mekunge nhengo dzechechi yemapositori yeJohanne Masowe eChishanu dzarwisana nevakuru vesangano reApostolic Christian Church of Zimbabwe, pamwe nemapurisa anodzivirira mhirizhonga.
Vanhu vakawanda, kusanganisira mapurisa, mukuru wesangano reApostolic Christian Council of Zimbabwe mudunhu reHarare VaLameck Chitope pamwe nemutori wemifananidzo wenhepfenyuro yeZBC Relax Mafurutu vanonzi vakuvara, vamwe vavo zvakaipisisa mumhirizhonga iyi.
Vamwe vevakuvara ava vasere vaendeswa kuchipatara cheHarare, vamwe vachinzi vaendeswa kuParirenyatwa nekukiriniki yekuBudiriro.
Mhirizhonga iyi inonzi yatanga mushure mekunge vakuru vesangano reApostolic Christian Council of Zimbabwe, vachitungamirirwa nemutungamiri wesangano iri, VaJohannes Ndanga, pamwe nemapurisa, vashanyira nzvimbo inonamatirwa nevechechi iyi, iyo inotungamirwa naVaIshmael Mufani, ndokuzivisa kuti chechi iyi yakanga isisabvumidzwi kuvepo.
Danho iri rinonzi ratorwa mushure memashoko ekuti chechi iyi inotyora kodzero dzevanhu.
Zvinonzi vana havabvumidzwi kuenda kuchikoro, vanasikana vanotariswa humhandara, madzimai akawanikwa vasisiri mhandara vanonzi vatsvagire varume vavo mhandara kubva muchechi imomo, nezvimwe zvakawanda.
Hatina kukwanisa kubata vechechi yeJohanne Masowe eChishanu kuti tinzwe divi ravo.
Mutauriri wemapurisa, Amai Charity Charamba, vati havakwanise kutaura sezvo vanga vari mumusangano.
Asi mukuru anoona nezvekuburitswa kwemashoko musangano reApostolic Christian Council of Zimbabwe, VaJoseph paGang’a, vanoti vashamiswa vava kurwiswa nevanhu ava.
Vanhu vakawanda, kusanganisira mapurisa, mukuru wesangano reApostolic Christian Council of Zimbabwe mudunhu reHarare VaLameck Chitope pamwe nemutori wemifananidzo wenhepfenyuro yeZBC Relax Mafurutu vanonzi vakuvara, vamwe vavo zvakaipisisa mumhirizhonga iyi.
Vamwe vevakuvara ava vasere vaendeswa kuchipatara cheHarare, vamwe vachinzi vaendeswa kuParirenyatwa nekukiriniki yekuBudiriro.
Mhirizhonga iyi inonzi yatanga mushure mekunge vakuru vesangano reApostolic Christian Council of Zimbabwe, vachitungamirirwa nemutungamiri wesangano iri, VaJohannes Ndanga, pamwe nemapurisa, vashanyira nzvimbo inonamatirwa nevechechi iyi, iyo inotungamirwa naVaIshmael Mufani, ndokuzivisa kuti chechi iyi yakanga isisabvumidzwi kuvepo.
Danho iri rinonzi ratorwa mushure memashoko ekuti chechi iyi inotyora kodzero dzevanhu.
Zvinonzi vana havabvumidzwi kuenda kuchikoro, vanasikana vanotariswa humhandara, madzimai akawanikwa vasisiri mhandara vanonzi vatsvagire varume vavo mhandara kubva muchechi imomo, nezvimwe zvakawanda.
Hatina kukwanisa kubata vechechi yeJohanne Masowe eChishanu kuti tinzwe divi ravo.
Mutauriri wemapurisa, Amai Charity Charamba, vati havakwanise kutaura sezvo vanga vari mumusangano.
Asi mukuru anoona nezvekuburitswa kwemashoko musangano reApostolic Christian Council of Zimbabwe, VaJoseph paGang’a, vanoti vashamiswa vava kurwiswa nevanhu ava.