Meya weguta reHarare VaBernard Manyenyeni vanosungwa vachipomerwa mhosva yehuori.
Gurukota rinoona nezvemaIndustry VaMike Bimha vanoti kutanga muna Chikunguru, ZIMRA inenge yosungisa vose vemabhazi vachayedza kupinza zvinhu muZimbabwe zvakambidzwa kupinda pasi pestatutory instrument number 64.
Mamwe masangano evashandi vehurumende atobuda pachena kuti nhengo dzawo hadzisi kuzotambira zana remadhora rinonzi nehurumende ichapa kuvashandi vayo nemusi weChishanu.
Munhau dzemitambo Hwange neChicken Inn dzaita mangange 0-0 mumutambo weCastle Lager Premier Soccer League
Muchirongwa cheLivetalk na8.30 pm tiri kutarisa nyaya yekurambidzwa kwezvimwe zvinhu zvekunze kuti zvisapinde munyika.
Kana muchida kupinda muchirongwa ichi, kanawo kutumira mashoko kuStudio 7, shandisai whatsapp panhamba dzinoti + 1 202 465 0318.
Vanoda kuteerera Studio 7, tibateyi na 7 pm pamasaisai anoti 909 am ne 4930 kilohertz pa Short Wave.
