Sangano reZimbabwe Football Association, ZIFA, rakazivisa svondo rino kuti mitambo yekubudirira kupinda mumakundano emakwikwi eWorld Cup ichange ichitambirwa kuSouth Africa mwedzi unouya sezvo munyika musina nhandare dzinokodzera sezvinodiwa neFIFA.
Zimbabwe ichange ichitamba ne Lesotho musi wa7 ku Orlando Stadium ichizotamba ne South Africa musi wa 11 ku Free State Stadium kuBloemfoein.
Aka hakasi kekutanga kuti Zimbabwe itambire mitambo yayo kunze kwenyika. Gore rapera Zimbabwe yakashandisa Rwanda semusha wayo mumitambo miviri yayakatamba ikoko.
Muongorori wemitambo, Muziwethu Hadebe, anoti zvakakosha kuti ZIFA igare pasi nehurumende mukuyedza kuona kuti nhandare dzemunyika dzagadziriswa kuitira kurerutsira zvikwata kuti zvikwanise kutambira mitambo yazvo munyika.
Forum