Mumwe mubatanidzwa wemasangano anomirira varairidzi weFederation of Zimbabwe Educators Unions kana kuti FOZEU unoti varairidzi kutanga mangwana vanenge vachiratidzira kutsutsumwa kwavo nemadhora makumi maviri ekuamerica akawedzerwa pamihoro yavo nehurumende kuchikamu chavanopihwa nemadhora ekuAmerica.
Munyori mukuru mubazi rezvevashandi vaSimon Masanga vaudza studio 7 kuti havataure nezvenhaurirano dzemari panhepfenyuro.
Asi mutungamiri wesangano reAmalgamated Rural Teachers Union of Zimbabwe vanova nhengo yeFOZEU VaObert Masaraure vaudza Studio 7 kuti vatotaura nenhengo dzavo dzati dzakagadzirira kuramwa mabasa.
Asi rimwe sangano revashandi reZimbabwe Confederation of Public Sector Trade Unions rinoti harisi kutsigira kuramwa mabasa uku. Sangano iri ndiro riri kutungamira nhaurirana nehurumende.
Forum