Mutungamiri webato guru rinopikisa reMovement for Democratic Change VaMorgan Tsvangirai vari kutarisirwa kupinda munyika mukupera kwesvondo kuti vazotange basa.
Bato reMDC-T rinoti VaTsvangirai vakabuda muchipatara nemusi weSvondo kunyangwe hazvo vachiri kuSouth Africa kwavange vachirapwa.
Munyori mukuru webato iri VaDouglas Mwonzora vakaudza Studio 7 kuti VaTsvangirai vave kugadzirira kudzoka. “Tinofara kuti tizivise vatsigiri vedu veMDC-T, Zimbabwe yese neshamwari dzedu kuti president vedu vanaya uye vagadzirira kudzoka kubasa mukupera kwesvondo."
VaTsvangirai vaimbenge vachitarisirwa kubatana nevatsigiri vavo nemusi weMugovera kuti vange vachitungamira kuratidzira muBulawayo. Asi havana kukwanisa kuuya.
Your browser doesn’t support HTML5
Hurukuro naVaDouglas Mwonzora
VaMwonzora vakamboudzawo Studio 7 kuti VaTsvangirai vakaenda kunorapwa kunze sekurudziro yavana chiremba vavo vemuZimbabwe.