Zimbabwe yakatanga neChitatu kutengesa mangoda ekwaMarange zviri pamutemo mushure mekupihwa mvumo yekuita izvi nesangano reKimberly Process Certification Scheme.
Vanhu vakawanda, kusanganisirawo hutungamiri muhurumende, vakauya kuzoona kuparurwa kwechirongwa chekutengeswa kwemangoda, ayo ari kutarisirwa kusimudza hupfumi hwenyika.Mangoda aya aitengeserwa kunhadare yendege yeHarare International Airport.
Gurukota rezvicherwa, VaObert Mpofu, havana kuda kutaura kuti hurumende ichawana marii. Asi vati hurumende iri kufara kuti yava kutanga kuwana mari yekufambisa hurongwa hwayo.
Vati nyika dzepasi rose, kusanganisira america, dzanga dzichida kutenga mangoda aya. VaMavhinga vanoti mangoda aya anofanira kubatsira nyika yose.
